संसदबाट अमेरिकी सहयोग परियोजना एमसिसी पारित भएसँगै तत्कालीन समयमा नेपाल कम्युनिष्ट पार्टीमा रहेका तीन नेताहरूबीच जुहारी चलेको छ।

मंगलबार पत्रकार सम्मेलन गर्दै नेकपा (एमाले) का अध्यक्ष केपी शर्मा ओली र एमाले विभाजित भएर बनेको नेकपा (एकीकृत समाजवादी) का अध्यक्ष माधवकुमार एकअर्का प्रति खनिएका हुन्।

नेपालभन्दा पहिला पत्रकार सम्मेलन गरेका ओलीले एमसिसीको विवाद आफूलाई प्रधानमन्त्रीबाट पदच्यूत गर्न गरिएको दुष्प्रचार मात्र भएको बताएका थिए।

ओलीले नेपाली र अंग्रेजी दुबै भाषामा जारी गरेको विज्ञप्ति नेपालले पत्रकार सम्मेलनमै बोकेर ल्याएका थिए।

नेपालले ओलीलाई प्रधानमन्त्रीबाट हटाउनु कुनै नौलो कुरा नभएको हुन्छ।

‘प्रधानमन्त्रीबाट हटाए भनेर एकहोरो रटान गरिरहनुभएको छ। हटाउँछन् त प्रधानमन्त्रीबाट। मलाई पनि हटाएको हो उहाँले, झलनाथ खनाललाई पनि हटाएको उहाँले,’ नेपालले भने,‘यसलाई कसरी ह्यान्डल गर्ने भन्ने कुरा त त्यो मान्छेको खुबीमा भर पर्छ।’

सुरूमा ओलीले नै एमसिसी सम्झौता संसदमा दर्ता गरेको भए पनि पारित हुने बेला समर्थन र विरोध नगरे तमासा देखाएको बताए।