कोहलपुर/श्रावण अर्थात आराध्यदेव भगवान भोलेनाथ अर्थात भगवान शिवको पवित्र महिना । यस महिनालाई पूजाआज, भक्तिभाव, श्रद्धाको महिना पनि भनिन्छ । श्रावण महिनाको शोमवार हिन्दु धर्मावलम्वीहरुले भगवान शिव पूजाआजा गर्ने, सात्विक भोजन गर्ने, उपवास बस्ने, मठमन्दिर गएर पुजा अर्चना गर्ने गर्दछन् ।

साेमवारका दिन देशैभरका शिव शक्ति पिठहरुमा श्रद्वालु भक्तजनहरुको भीडभाड हुँदै आइरहेको छ । विशेष गरी बाँकेको बागेश्वरी मन्दिर परिसरमा रहेको जुंगे महादेवको मन्दिर र बर्दिया बासगढी नगरपालिकामा रहेको केदारेश्वर धाममा भक्तजनहरुको घुइचो नै लाग्ने गर्दछ । वागेश्वरी मन्दिरमा रहेको जुंगे महादेवको दर्शन तथा पुजा आराधना निकै लामो समयदेखि हुँदै आएको छ ।

यता बर्दिया बांसगढी नगरपालिका वाड नं ५ बर्दिया मा अवस्थित ॐ केदारेश्वर धाम निर्माण सम्पन्न भै मिति २०७६ साल बैशाख १२ गते सम्माननिय उपराष्ट्रपति नन्द बहादुर पुनबाट समुद्घाटन भएपछि स्थापित धार्मिक पर्यटकिय क्षेत्रको रुपमा विकसित हुँदै आएको छ । यस श्रावणको अन्तिम सोमवार केदारेश्वर धाममा पुजा आराधाना गर्न बाँके र बर्दियाका श्रद्वालु भक्तजनहरुको उलेख्य उपस्थितीका कारण भक्तजनहरु लाइन लागेर पुजा आराधना गर्नुपरेको थियो ।

केदारेश्वर धाममा शिबलिङ्ग १०८ फिट उचाइको रहेको छ भने धामको अग्र भागमा तुलसीको १०८ ओटा मठहरु रहेका छन । यसकारण पनि बर्दिया जिल्लामात्र नभई छिमेकी जिल्लाका भक्तजनहरु पनि दर्शन तथा घुम्नका लागि पुग्ने गरेका छन् । धाम व्यवस्थापन समिति, नगरपालिका तथा सरोकारवाला निकाय भने भक्तजनहरुको बढ्दो उपस्थितीलाई व्यवस्थापन गर्न भने चुकेको भक्तजनहरुले बताएका छन् । धाम परिसरमा भक्तजनहरुको सवारी पार्किङ्ग स्थलको व्यवस्थापन गर्न नसक्दा त्यसको असर सँगै रहेको पूर्व पश्चिम राजमार्ग पनि प¥यो ।
पार्किङ्ग स्थलको समुचित व्यवस्थापन गर्न नसक्दा सडक किनारमा भक्तजनहरुले सवारी पार्किङ्ग गर्दा राजमार्गमा सवारी आगमन नै ठप्प हुने गरेको छ । सोमवार विहान राजमार्ग भएर आप्mनो गन्तव्यमा हिडेका लामो तथा छोटो दुरीका सवारी, मालवहाक गाडीहरुलाई आवागमनमा वाधा भएपछि जामको चपेटामा समेत परेका थिए । यो क्रम भक्तजनहरुको संख्या बढेसँगै पटक–पटक दोहोरिएको थियो ।

धामलाई धार्मिक, पर्यटकीय क्षेत्रको रुपमा विकास गर्ने गरी निर्माण गरिएपनि दिर्घकालियन सोच राखेर पार्किङ्गको व्यवस्थापन गर्न नसक्दा आफुहरुले भक्तजनहरुको उपस्थिती बढि भएको समयमा सास्ती व्यहोर्नुपरेको कोहलपुरबाट दर्शन गर्न गएका रमेश शर्माले गुनासो गरे । नगरापालिका तथा धाम व्यवस्थापन समितिले यसतर्फ ध्यान नदिने हो भने राममार्गमा ठुलो समस्या निम्तिने उनको भनाई छ ।

यसबाट सवारी दुर्घटना सँगै सवारी जामका उच्च जोखिम पनि बढिरहेकाले तत्काल धाम परिसरमा सवारी पार्किङ्गका लागि आवश्यक कदम चाल्नुपर्नेमा भक्तजनहरुले अनुरोध गरेका छन् ।