काठमाडौँ। उदयपुरका कोरोना संक्रमितको लगातार तीन पटकको स्वाब परीक्षणमा कोरोना नेगेटिभ आएपछि ८ जना आज निको भएर घर फर्किएका छन् ।

विराटनगरको कोरोना उपचार केन्द्रबाट शुक्रबार एकैपटक ८ जना डिस्चार्ज भएको कोशी अस्पतालले जनाएको छ ।

उदयपुरको भुल्केमा कोरोना संक्रमण पुष्टि भई वैशाख ८, ९ र १० गते ल्याइएका मध्ये एक भारतिय नागरिक र एक महिलासहित ८ जना डिस्चार्ज भएका हुन् । उपचार केन्द्रमा रहेका ६ जना गत बुधबार कोरोनामुक्त भएर डिस्चार्ज भएका थिए ।