कान्दाहार । दक्षिणी कान्दाहारमा सात जना अफगान प्रहरीको हत्या भएको छ । कान्दाहारको एक प्रहरी चौकीमा प्रहरीले नै चलाएको गोली लागेर सात जना प्रहरीको हत्या गरेका हो ।

गोली चलाउने प्रहरी तालिबान समूहसँग आबद्ध रहेको प्रहरीको दाबी रहेको छ । शनिबार मध्यराति झारी जिल्लाको चारसाखी क्षेत्रमा घटना भएको प्रान्तीय प्रहरी प्रवक्ता जमाल बारिक्जाईले जानकारी दिएका छन् ।

तालिबानसँग आबद्ध देखिएका ती प्रहरी अरु साथीहरुको हत्यापछि फरार रहेको र प्रहरीको खोजी भइरहेको प्रवक्ता जमालले बताए ।