बाँके\बाँके प्रहरीले नेपालगन्ज स्थित एक होटलबाट नक्कली नोट छाप्ने मेसिनसहित नोट बरामद गरेको छ ।

धम्बोझी चोकस्थित रहेको पाहुना घरबाट नक्कली नोट छाप्ने मेसिनसहित केही थान नक्कली नोट नियन्त्रणमा लिएको बाँके प्रहरी प्रमुख एसपी सन्तोष राठौरले जानकारी दिए ।बाँके प्रहरीले कोठामा खोजतलासी गर्दा ५० रुपैयाँका केही थान नक्कली नोट र पैसा छाप्ने प्रिन्टर बरामद गरेको छ । होटलमा पुस २९ गतेदेखि बसेका एक व्यक्तिले होटलमा बसेर नक्कली नोट छपाई गरेको पाइएको हो ।

३० गतेसम्म होटलमा आउने र जाने गरेका ती व्यक्ति दुई दिनसम्म नदेखिएपछि होटल सञ्चालकले प्रहरीलाई खबर गरेका थिए । प्रहरीले होटलमा बसेका व्यक्तिलाई भने पक्राउ गरेको छैन । प्रहरीले ती व्यक्तिलाई खोजिरहेको जनाएको छ । एसपी राठौरले घटनाबारे थप अनुसन्धान भइरहेको पनि बताए ।