स्थानिय तहको निर्वाचनको दिन निकट आइरदा कोहलपुर नगरपालिका प्रमुख (मेयर)का आकांक्षीहरुको चर्चा शुरु भएको छ । कोहलपुर क्षेत्रका पुराना राजनीतिज्ञ एवम् समाजसेवी भानुभक्त भट्टराईले नेपाली काँग्रेसबाट प्रतिनिधित्व गर्ने चर्चा नगर क्षेत्रमा ब्यापक बन्दै गइरहेको छ । अघिल्लो स्थानिय तहको निर्वाचनमा झिनो मत (८३) ले एमालेका उमेद्वार लुट बहादुर रावतसँग पराजित भट्टराई कोहलपुर क्षेत्रमा मात्र नभई जिल्लाभरमै प्रभाव छाड्न सफल राजनीतिज्ञ भएकाले यसपटकको निर्वाचनमा पनि नेपाली काँग्रेसबाट उनी नगर प्रमुखको उमेद्वार बन्ने सम्भावना प्रवल रहेको राजनीतिक वृतमा चर्चा चुलिदै गएको छ ।

सामाजिक गतिविधीमा अहोरात्र क्रियाशील भट्टराईको नाम कोहलपुरको मेयरको प्रत्याशीको रुपमा चर्चा बढेसँगै भावी मेयरमा बिजयी हुने एक मात्र सफल उमेद्वारका रुपमा अन्य राजनीतिक दलका स्थानिय नेता कार्यकर्ताहरुले मनन् गर्दै निर्वाचन परिणाम आफ्नो पोल्टामा पार्न ठुलो कसरत शुरुवात गरिरहेको पाइन्छ । राजनीतिमा मात्र सिमित नभई भट्टराईको व्यक्तित्व साहित्य तथा समाजसेवासँग पनि जोडिएकाले सशक्त र बलिया उमेद्वारको रुपमा भट्टराईले आपूmलाई प्रस्तुत गरेका छन् । उनकै नेतृत्वमा आप्mनो आमाको नाममा २०३४ सालतिर हालको कोहलपुर नगरपालिका वडा नं. १ कौशिलानगरमा बस्ती स्थापना गरेर सयौं भूमीहिन परिवारको अभिभावकत्व ग्रहण गरेका भट्टराई कोहलपुर नगरपालिका अन्र्तगतका १५ वटै वडामा जनाधार बलियो भएका राजनीतिज्ञ हुन् । नेपाली काँग्रेस केन्द्रिय नेतृत्वसँग पाटीका हरेक गतिविधीमा समन्वयकारी भूमिका निर्वाह गरिरहेका भट्टराई कोहलपुर नगर विकास समितिको पूर्व अध्यक्ष समेत हुन् । कोहलपुर क्षेत्रको शैक्षिक गतिविधी चलायमान बनाउन विशेष भूमिका समेत निर्वाह गरेकाले दुरदर्शी राजनीतिज्ञ, सामाजिक गतिविधीमा क्रियाशील समाजसेवी, साहित्य र शैक्षिक क्षेत्रका पर्यायको उपमा समेत पाएका भट्टराईको नाम अगाडी आएपछि अन्य राजनीतिक दलहरुमा ठुलो सकस सिर्जना भएको छ ।