कोहलपुर/कोहलपुर चौराहा देखी नेपालगञ्ज सडकखण्डमा छाडा पशुचौपायहरुलाई कोहलपुर हार्डवेयर व्यवसायी संघले आज नाइट स्टीकर तथा इन्डिकेटर लगाएको छ ।

छाडा पशुचौपायलाई व्यवस्थित गर्न नसक्दा रातीको सडक दुर्घटना बढी हुने भएका कारण अहिले छाडा पशु चौपायको घाटीमा नाइट स्टीकर लगाउने कार्य गरेको हार्डवेयर व्यवसायीले जनाएको छ । साथै नाइट स्टीकर घाटीमा लगाउँदा सवारी साधनको लाइटले सवारी चालकलाई थाहा हुने भएका कारण यस्तो कार्य गरेको बताए ।
कोहलपुर क्षेत्रमा दुर्घटना दिन प्रति दिन बढ्दै गइरहेको अवस्थालाई मध्यनजर गर्दै सवारी दुर्घटना कम हुने विश्वास लिएर सो कार्य गरेको हार्डवेयर व्यवसायी बताउँछन् । साथै कोहलपुर ट्राफिक प्रहरी कार्यालय तथा कोहलपुर इलाका प्रहरी कार्यालयले सहजीकरण गरेको हो । तस्बिर : काेहलपुर ग्यालरी + न्युज नमस्ते