काठमाडौँ। राष्ट्रिय प्रजातान्त्रिक विद्यार्थी संगठनका प्रवक्ता छत्र खडायत पक्राउ परेका छन् ।

खडायतले चलिरहेको सर्वदलीय बैठकमा रप्रपा समावेश गराउनु पर्दछ र बुढिगंगा नगरपालिकामा कोरोनाभाइरस (कोभिड -१९ ) लकडाउनको बेला धनी र पहुँच हुने वर्गलाई मात्र राहत नदिई गाउँ घरमा भएका एकल, असाहय, गरिब, बर्गलाई बितरण गरिनु पर्दछ, भनि आवाज उठाउदै आएका थिए ।

उनि पक्राउ परे लगतै राष्ट्रिय प्रजातान्त्रिक विद्यार्थी संगठनले एक बिज्ञप्ति जारी गरेको छ । उक्त बिज्ञप्तिमा भनिएको छ- ‘असाहय, गरिब, बर्गका लागि खडायतले आवाज उठाउदा बुडिगंगा नगरपालिका वडा नं ४ अध्यक्ष लगाएत प्रतिनिधिले कार्यालय तोडफोड गरेको र आफुमाथी हातपात गरेको अफवाह फैलाइ झुटा मुद्धा लगाइ थुन्ने थुनाउने कार्यप्रति राष्ट्रिय प्रजातान्त्रिक विद्यार्थी संगठनको गम्भीर ध्यानाकर्षण भएको छ, यस्तो निन्दनीय कार्यप्रति खेद प्रकट गर्दछ।’

साथै बिज्ञप्तिमार्फत संगठनले प्रवक्ता छत्र खडायतको रिहाइको माग गरेका छन् । तत्काल रिहाइ नगरेको खण्डमा नगरपालिकाले गम्भीर क्षति व्यहोर्नुपर्ने चेतावनी पनि संगठनले दिएको छ।