जनकपुरधाम । नेपाल कम्युनिस्ट पार्टी नेकपा अध्यक्ष पुष्पकमल दाहाल ‘प्रचण्ड’ धनुषापुगर हिन्दीमा भाषण गरेका छन् । उनले हिन्दीमा भाषण गर्दै मिथिला क्षेत्रको डोलालाई काँधमा उठाएका हुन् ।

मिथिला विहारी नगरपालिकाको कचुरीस्थित आयोजित औपचारिक कार्यक्रमलाई सम्बोधन गर्दै उनले हिन्दी भाषामा सम्बोधन गरेका हुन् ।

उनले हिन्दीमा बोल्दै मिथिला मध्य परिक्रमामा निकालिने डोला संस्कृतिको प्रशंसा गरे । उनले नेपालीसहित भारतीय हिन्दु धर्मावलम्बीले निकाल्ने मध्य परिक्रमाको ठुलो महत्त्व रहेको बताए ।

आफू प्रधानमन्त्री हुँदा मिथिला मध्य परिक्रमालाई केही सहयोग गर्ने अवसर मिलेको बताउँदै उनले अब मिथिला विहारी परिषद् गठनको पहल गर्ने प्रतिबद्धता जनाए । उनले मिथिला विहारी मन्दिरमा धर्मशाला निर्माणमा सहयोग गर्ने बचनसमेत दिए ।

कार्यक्रममा नेकपा नेता रघुवीर महासेठले कम्युनिस्टहरू धर्मको विरोधी नभएको बताए । उनले कम्युनिस्ट सरकारले गाउँ९गाउँमा मठ मन्दिर, मस्जिद, गुम्बा निर्माण गर्दै सबै धर्मको सम्मान गरिरहेको बताए ।

डोला निकाल्ने क्रममा प्रचण्ड आएको मनाङ एयरको हेलिकप्टरबाट पुष्पवृष्टिसमेत गरिएको थियो ।