धरानमा धारिलो खुकुरी प्रहार गर्ने रार्इ पक्राउ

तीन जनालार्इ धारिलो खुकुरी प्रहार गर्ने एक व्यत्ती धरानबाट पक्राउ गरेका छन् ।
धरान उपमहानगरपालिका-१२ बस्ने २६ वर्षीय शुभराज राई समेत तीन जनालाई धारिलो हतियार खुकुरी प्रहार गरी घाइते बनाएको अभियोगमा धरान उपमहानगरपालिका-१९ बस्ने ताप्लेजुङ सिम्ले घर भएका २५ वर्षीय मिलन राईलाई आइतबार बिहान प्रहरीले पक्राउ गरेको छ ।
शुभराज राई समेत तीन जनालाई मिलन राईले खुकुरी प्रहार गर्दा घाइते भएको भन्ने खबर प्राप्त हुनासाथ ईलाका प्रहरी कार्यालय धरानबाट खटिएको प्रहरीले उनलाई पक्राउ गरेको हो ।
खुकुरी प्रहारबाट घाइते भएकाहरुलाई उपचारको लागि विपि कोर्इराला स्वास्थ्य विज्ञान प्रतिष्ठान धरान (घोपा) लगिएको छ । यस सम्बन्धमा प्रहरीले थप अनुसन्धान गरिरहेको छ ।
प्रतिक्रिया दिनुहोस्