स्थानिय सरकार नै संवेदनशील भएर युवामैत्री नीति निर्माण र रोजगारी सहितको वातावरण सिर्जना गर्न अग्रसर हुनेपर्नेमा एक कार्यक्रमका सहभागिहरुले जोड दिएका छन् । अन्तराष्ट्रिय युवा दिवसको अवशरमा कोहलपुरमा आयोजित जनप्रतिनिधीसँग युवा विषयक अन्र्तरक्रियाका सहभागीहरुले यस्तो बताएका हुन् । समाज सुधार कार्यक्रम संस्थाको आयोजना तथा कोहलपुर नगरपालिकासको सहयोगमा आयोजित अन्तरक्रिया कार्यक्रमका सहभागी युवाहरुले स्थानिय सरकारले नीति तथा कार्यक्रम अवलम्वन गर्दा विभिन्न क्षेत्रसँग जोडिएका युवाहरुको प्रतिनिधित्व हुने गरी अवशर र स्वरोजगारमूलक कार्यक्रमलाई प्राथमिकता दिन स्थानिय नगर सरकारलाई सुझाव दिए ।
पछिल्लो समयमा माध्यामिक तहपछि विद्यार्थीहरु उच्च शिक्षा आर्जनका लागि अस्ट्रेलिया जापान, युके लगाएतका मुलुकहरु रोजाईमा पर्ने र अध्ययनको लागि विदेशिएका युवाहरु विदेशी भूमीलाई नै कर्मथलो बनाउँदा दक्ष जनशक्ति मुलुकले गुमाइरहेको भन्दै चिन्ता व्यक्त गरिएको छ । सहभागि युवा प्रतिनिधीहरुका प्रश्न, जिज्ञासा तथा सुझावहरुलाई सम्बोधन गर्दै कोहलपुर नगरपालिका प्रमुख पूर्ण प्रसाद आचार्यले ननगर क्षेत्रमा रहेका युवा पुस्ताहरुको विषयमा स्थानिय सरकार संवेदनशील रहेको बताए । उनले नीति तथा कार्यक्रममा युवा लक्षित कार्यक्रम सञ्चालन गरेर शीप र योग्यता अनुसारका युवाहरुलाई स्थानिय स्तरमै शीपमूलक तथा रोजगारमूलक कार्यक्रम तथा गतिविधीहरु सञ्चालन हुने प्रतिबद्वता जनाएका छन् । रोजगार बैंकको अवधारणा अनुसार कोहलपुरमा रोजगार बैंक स्थापना गरेर रोजगारीको आवशर सिर्जना गर्नका लागि निति तथा कार्यक्रममा धेरै युवामैत्री नीति समावेश गरेको जिकिर गरेका छन् । नगर क्षेत्रभित्र सञ्चालनमा रहेका उद्योगहरुमा स्थानियले रोजगारीको लागि पहिलो प्राथमिकता पाउने गरी स्थानिय सरकारले अधिकार प्रयोग गर्ने बताए । कार्यक्रममा कोहलपुर नगरपालिका उप–प्रमुख संगीता सुवेदी, राष्ट्रिय युवा परिषद बाँके अध्यक्ष खेमराज शर्माले अन्तरक्रियामा उठेका विषयहरुमा आप्mनो धारणा राखेका थिए । नगरस्तरीय युवा क्लब सञ्जाल अध्यक्ष रमेश वडको सभापतित्वमा सम्पन्न अन्तरक्रिया कार्यक्रममा आयोजक संस्थाका सचिव शंकर न्यौपानेले कार्यपत्र प्रस्तुत गरेका थिए ।