ईलाका प्रहरी कार्यालय कोहलपुरको हिरासतमा रहेका एक थुनुवाको मृत्यु भएको छ ।

जबरजस्ती करणीको अभियोगमा पक्राउ गरी म्याद थप गरेर आवश्यक अनुसन्धानका लागि कोहलपुर इलाका प्रहरी कार्यालयकाे हिरासतमा रहेका काेहलपुर नगरपालिका-१२ का कृष्णलाल कुँवरको इलाका प्रहरी कार्यालय कोहलपुरको हिरासत कक्ष परिसरको ट्वाइलेटमा झुण्डिएको अवस्थामा शव फेला परेको हो ।

उनी बुधबार बिहान करिब ५ बजेतिर झुण्डिएको अवस्थामा मृत भेटिएका हुन् । हिरासत कक्षबाट ट्वाइलेट गएका उनले ट्वाइलेटको भेन्टिलेलेटरमा टि-सर्टको पासो घाँटीमा लगाएर मृत्युवरण गरेको प्रहरी रिर्पोटमा उल्लेख छ ।

तर कुवरकाे मृत्यु शंस्कास्पद रहेकाे परिवारका सदस्यकाे भनाई छ । मृतककी बहिनीका अनुसार कुवरले लेखेकाे सुसाईट प्रहरीले फेला पारेकाे कुरा बाहिर अाएकाे छ । मृतक कुवर साक्षर समेत नभएकाले कसरी दाजुले अात्महत्या अघि सुसाट नाेट लेख्नुभयाे, मृतक कुवरकी बहिनीले प्रश्न गरिन् ।

बुधवार विहान ४ बजेसम्म अन्य थुनुवासँग कुरा गरेका रहेछन् दाजुले अात्महत्या गरेकाे विषयमा अावश्यक छानविन गरेर प्रहरीले वास्तविकता छिटाे भन्दा छिटाे बाहिर ल्याउन मृतककी बुहारीले माग गरेकी छिन् । यश बिषयमा ईलाका प्रहरी कार्यालय काेहलपुर प्रमुख प्रहरी नायब उपरीक्षक एन बहादुर मल्लले अाफूमाथि पनि छानविन हुने भएकाले छानबिन समिती बन्ने र समितिले प्रतिवेदन तयार पार्ने बताए । मृतक कुवरकाे शव पाेष्टमार्टमका लागि भेरी अञ्चल अस्पतालमा पठाएकाे प्रहरीले जानकारी दिएकाे छ ।