काेहलपुर / बाँकेको कोहलपुर नगरपालिकामा कमल थापा नेतृत्वको राप्रपा नेपाल को नगर कार्यसमितीको पहिलो बैंठक नगर कार्यालय काेहलपुर गोलपार्कमा सम्पन्न भएको छ ।

बैंठकमा राप्रपा नेपालका केन्द्रिय सह महामन्त्री हिक्मत बहादुर ढकाल, केन्द्रिय सदस्य खेमराज गौतम ,श्रीधर सुवेदी , लक्ष्मी हमाल लगाएतका नेताहरूको उपस्थिति रहेको थियो भने नगर सभापति प्रमात कुमार श्रेष्ठको सभापतित्वमा बैठक बसेको हाे ।

बैठकले कोहलपुर नगरपालिका वडा न ८ संयोजकमा विरु चतारालाई मनाेनित गरेको छ । हालै सम्पन्न राष्ट्रिय प्रजातान्त्रिक युवक संगठन नेपालको केन्द्रिय सदस्यमा मनोनीत भएका युवा नेता सुमन केसिलाई बधाई तथा शुभकामना पनि गरिएको थियो ।

बैठकले आगामी कार्यक्रम अन्तर्गत अन्तर्राष्ट्रिय महिला दिवस मनाउने, पेट्रोलियम पदार्थमा भएको मूल्य वृद्धि र यथास्थितिमा पास गरिएकाे एमसिसिको विरुद्धमा विरोध प्रदर्शन गर्ने निर्णय गरिएको नगर अध्यक्ष प्रमात कुमार श्रेष्ठले जानकारी दिएका छन् ।
बैंककमा एक दर्जन भन्दा बढी युवाले राप्रपा नेपाल प्रवेश गरेका छन् ।