बाँकेको सुशिल कोईराला प्रखर क्यान्सर अस्पतालमा शनिवार एकदिने निःशुल्क शिबिर हुने भएको छ । सुशिल कोईराला प्रखर क्यान्सर अस्पतालमा मुटुरोग तथा पाठेघरको मुखको क्यान्सरको पहिचान शिविर हुने भएको छ । मुटुको भिडियो एक्सरे इको मेशिनको शुभारम्भको उपलक्ष्यमा शिविरको आयोजना गरिएको अस्पतालका निर्देशक डा कृष्ण आचार्यले जानकारी दिनुभयो । शिबिरमा शहिद गंगालाल राष्ट्रिय हृदयरोग केन्द्र काठमाण्डौका वरिष्ठ मुटुरोग विशेषज्ञ कार्तिकेश कुमार ठाकुरबाट मुटु रोग सेवा प्रदान गरिने उहाको भनाइ छ ।