कोहलपुरमा दुइ युवामाथि दिनदाहाडै खुकुरी प्रहार

कोहलपुर/ कोहलपुरको दशविगाह क्षेत्रमा दुई युवा माथि दिनदाहाडै खुकुरी प्रहार भएको छ । कोहलपुर वडा नं ५ बस्ने प्रदिप राना र विशाल केसी माथि खुकुरी प्रहार भएको हो ।
खुकुरी प्रहार अहिले करिब १२ बजे भएकाे थियाे भने खुकुरी प्रहारबाट प्रदिप रानाको घाँटी, दाहिने हातको बुढी औला र खुट्टामा गम्भिर चोट लागेको छ । आक्रमणबाट गम्भिर घाइते भएका रानाको दशविगाह प्रारम्भिक उपचार पछि थप उपचारका लागि काठमाडौं रिफर गरिने तयारी भइरहेको बताइएको छ ।
यस्तै रानामाथि आक्रमण हुनुभन्दा १ घण्टा अगाडि अर्का युवा विशाल केसीलाई पनि दंगाली फार्मेसीको अगाडि खुकुरी प्रहार भएको छ । आक्रमण संलग्न समूहले के.सीको ढाँडमा खुकुरी प्रहार गरेकोमा उनको अहिले नेपालगञ्ज शिक्षण अस्पताल कोहलपुर मेडिकल कलेजमा उपचार भैरहेको र स्वास्थ्य सामान्य रहेको बताइएको छ ।
यस विषयमा इलाका प्रहरी कार्यालय कोहलपुरसँग घटनाको विषयमा जानकारी लिँदा घटनाको अनुसन्धान भैरहेको बताएको छ । केही समय पछि घटनाको विस्तृत विवरण यसै न्यूज पोर्टल मार्फत सम्प्रेषण गरिनेछ ।
प्रतिक्रिया दिनुहोस्