पछिल्लो समयमा कोहलपुर प्रहरीलाई ठुलो चुनौती थपिरहेको थियो । नगर क्षेत्रबाट एक दुईको अन्तरमा एक भन्दा बढि मोटरसाइकल चोरी हुने क्रम बढिरहेकोमा प्रहरी कार्यालय नजिकै अझ भनौ प्रहरीको सुरक्षा आधार क्षेत्रबाट २ वटा मोटरसाइकल र एउटा स्कुटर समेत चोरी हुन्छ । श्रृंखलाबद्व रुपमा ६ महिनाको अन्तरमा कोहलपुर क्षेत्रबाट ३७ वटा मोटरसाइकल चोरी भइसकेपछि जसरी पनि प्रहरी चोरीमा संलग्न समूह वा गिरोहलाई पक्राउ गर्नुपर्नेमा व्यापक जन दवाव बढिरहेको थियो । प्रहरी चोरसम्म पुग्न अनेकन प्रयास गरेपनि सफल हुन सकिरहेको थिएन । प्रहरीको प्रतिष्ठाको विषयसँग मोटरसाइकल चोरीका घटनालाई हेरिन थालेपछि कोहलपुर प्रहरीले प्रहरी नायब निरीक्षकको कमाण्डमा ७ जनाको टास्क फोर्स नै गठन गरेर कडा तथा सुक्ष्म अनुसन्धानलाई अगाडी बढाउने निर्णय अनुसार टास्क फोर्सले नगर क्षेत्रमा कडा निगरानी गरिरहेको हुन्छ ।

चोरीमा संलग्न एक समूह पक्राउ
मोटरसाइकल चोरी सन्दर्भमा विहिवार विहान कोहलपुर प्रहरीले केही सफलता पाएको छ । विहिवार विहान प्रहरीले मोटरसाइकल चोरीमा संलग्न ३ युवालाई २ः४५ को समयमा कोहलपुर बसपार्क नजिकबाट पक्राउ गर्न सफल भएको हो । पक्राउ परेका युवाहरु रुकुम जिल्लाका रहेको अनुसन्धानबाट खुलेको प्रहरीले जनाएको छ । यो समूहलाई नियन्त्रण लिएर बसपार्क पछाडीको पूर्वतिरको सडकबाट भे ३ प ६००५ नम्वरको डिस्कभर कालो निलो रंगको मोटरसाइकल सहित एन एस मोटरसाइकलको निलोरंगको हेडलाइट १ थान, पल्सर मोटरसाइकलको निलो रंगको ट्यांकी कभर १ थान, मोटरसाइक्लको पाटपुर्जा खोल्न प्रयोग हुने स्क्रु ड्राइभर र रेञ्ची एक÷एक थान, मोटरसाइकल स्टिकर ७ थान, मोवाइल सेट ३ थान र १३ चक्की नाइट्रोभ्याट भन्ने आगु औषध बरामद गरिएको इलाका प्रहरी कार्यालय कोहलपुरका प्रमुख प्रहरी नायब उपरीक्षक रबिन्द्र खनालले जानकारी दिए । पक्राउ परेकोव्यक्तिमध्ये एक जना रुकुमको एक मोटरसाइकल ग्यारेजमा काम गर्ने गरेको अनुसन्धानबाट खुलेको प्रहरीले जनाएको छ ।

कसरी चोर सम्मपुग्यो प्रहरी
स्थानिय एक युवालाई तीन जना युवाहरुले संस्कापद गतिविधी गरिरहेको भान हुन्छ अनि तत्काल उनले प्रहरीलाई खबर गर्छन् । प्रहरीले ती युवाहरुले थाह नपाउने गरी कडा निगरानीमा राखिसकेको हुन्छ । आफ्नो मोटरसाइकल हराएकाले काम गर्न गाह्रो भएको भन्दै प्रहरीको सादा पोषाक सहित स्थानिय युवाले उनीहरुसँग कुरा गर्न थाल्छन् । ती युवाले मोटरसाइकल चाहिएको भए आफूहरुले उपलब्ध गराइदिने भन्दै मोटरसाइकल चोरी गर्न पूर्वयोजना बनाइसकेका हुन्छन् । त्यसपछि ती युवाहरु मोटरसाइकल चोरी गर्न हिड्छन् । सुक्ष्म निगरानी गरिरहेको प्रहरीलेउनीहरुलाई पच्छाउने क्रममा पानी ट्यांकी नजिक रहेको एक घरबाट भे ३ प ६००५ नम्वरको डिस्कभर कालो निलो रंगको मोटरसाइकल चोरी गरेर सडकतिर ल्याउँदै गर्दा प्रहरीले उनीहरुलाई नियन्त्रणमा लिन सफल हुन्छ । पक्राउ परेपछि बयानको आधारमा जिल्ला रुकुम पश्चिम चौरजहारी वडा नं.–११ बस्ने वर्ष १८ कोअनुप चन्द, सोही स्थान बस्ने वर्ष २० का सुन्दर मल्ल र वर्ष १८ को अम्मर बि.क. को वास्तविक वतन प्रहरीले जानकारी पाउँछ ।

आर्थिक व्यवस्थापनका लागि युवाहरु चोरीमा संलग्न
मोटरसाइकल चोरीमा संलग्न व्यक्ति तथा समूहहरु आर्थिक व्यवस्थापनकै लागि चोरी गर्ने गरेको पाइएको छ । विहिवार पक्राउ परेका युवाहरु पनि तत्काल पैसा कमाउनकै लागि चोरीमा संलग्न भएको अनुमान गर्न सकिन्छ । नयाँ मोटरसाइकल चोरी गरेर उनीहरुले रातारात रुकुम लगाएतका पहाडी जिल्लाहरुमा पु¥याउने गरेको पुरानो मोटरसाइकलको हकमा महत्वपूर्ण पार्टपुर्जा निकाले विक्री गर्ने गरेको प्रहरी बताउँछ । पक्राउ परेका युवाहरुबाट बरामद गरिएका वस्तु सामानहरुले पनि यो कुरालाई प्रष्ट पारेको छ । उनीहरुबाट बरामद गरिएको पल्सर मोटरसाइकलको निलो रंगको ट्यांकी कभर बाहिर निलो स्टिकर टासेर ट्यांकीको स्वरुप नै परिवर्तन गरेका हुन्छन् जसले गर्दा चोरी गरिसकेपछि विक्री वा व्यवस्थापनमा सहजता मिल्ने गरेको देखिन्छ ।

लागु औषध सेवनकर्ताकै संलग्नता
विहिवार चोरीमा संलग्न युवाहरुबाट प्रहरीले १३ चक्की नाइट्रोभ्याट पनि बरामद गरेको छ । यसबाट के पुष्टि हुन्छ भने चोरीमा संलग्न युवाहरु दुव्र्यवसनीको अम्मली छन् । नाइट्रोभ्याट भन्ने औषधी लागु औषधको रुपमा दुव्र्यवसनीमा फसेका युवाहरुले आफ्नो तलतल मेटाउन प्रयोग गर्ने गर्दछन् । चलनचल्तीको भाषामा यसलाई ट्याब वा गोट्टी पनि भन्ने गरिन्छ । वेरोजगार युवाहरु तत्काल आर्थिक समस्या समाधान गर्न जस्तो सुकै काम गर्न पनि तयार हुन्छन् भने लागु पदार्थ तथा दुव्र्यवसनीको सिकार भएका युवाहरु आफ्नो लत मेट्न पनि जस्तो सुकै काम गर्न पनि पछि पर्दैनन् । यो समस्याको प्रमुख कारण पनि यही हो ।

चोरी भएको सवारी सम्बन्धित व्यक्तिले बुझे
कोहलपुर नगरपालिका वडा नं. ११ निवासी स्थानिय चन्द्र बहादुरगिरीले आफ्नो भे ३ प ६००४ नम्वरको मोटरसाइकल हराएकोभन्दै विहिवार विहान ८ बजे इलाका प्रहरी कार्यालय कोहलपुरमा मोटरसाइकलको हुलिया सहित निवेदन दिन्छन् । त्यो मोटरसाइकल सहित चोरीमा संलग्न युवालाई प्रहरीले विहान २ः२५ बजे नै नियन्त्रणमा लिइसकेको हुन्छ । मोटरसाइकल चोरी भएको थाहपाएपछि भेटिने आश नै मारिसकेको तर प्रहरीको चुस्त अनुसन्धानकै कारण हराएको मोटरसाइकल पाउन सफल भएको भन्दै गिरीले खुशी व्यक्त गरेका छन् ।