आइबोस ग्लोबल लाइफ इन्टरनेशनलको बर्दियामा सेवा केन्द्र उद्घाटन

कोहलपुर/आइबोस ग्लोबल लाइफ इन्टरनेशनलले श्रावण २९ गते बर्दिया भुरीगाउँमा सेवा केन्द्र उद्घाटन भएको छ ।
आइबोस ग्लोबल लाइफ इन्टरनेशनलका सिइओ तथा कम्पनीका परिकल्पनाकार राजकुमार दंगाल र सेवा केन्द्रका प्रमुख मस्तराम चौधरीले संयुक्तरुपमा उद्घाटन गर्नुभएको हो ।
कार्यक्रममा भुरीगाउँ डिस्ट्रीब्यूटर्स लक्ष्मी नारायण चाैधरी, सत्यनारायण थारु फेटारा, राधेश्याम चौधरी, आइबोस ग्लोबल लाइफ इन्टरनेशनलका प्रोडक्ट रिसर्च तथा स्कुलिङ प्रमुख भक्त थोकर, कम्पनीका सुदुरपश्चिम प्रदेश प्रमुख नमराज जैसी लगाएत उपभोक्ता तथा डिष्ट्रीब्यूटर्सको उल्लेखनिय उपस्थिति रहेको कुरा कम्पनीका कर्णाली प्रदेश प्रमुख सुरेश कुमार गौतमले न्यूजनमस्तेलाई जानकारी दिनुभएको छ ।

नेपाल सरकारबाट आइबोस ग्लोबल लाइफ इन्टरनेशनलले बस्तुको प्रत्यक्ष विक्री सम्बन्धि पहिलो नम्बरमा इजाजत प्राप्त गर्न सफल रहेको हो । नेपाल सरकारको बस्तुको प्रत्यक्ष, विक्री, नियमन तथा व्यवस्थापन ऐन २०७४ तथा बस्तुको प्रत्यक्ष विक्री, नियमन तथा व्यवस्थापन नियमन गर्ने नियावली २०७६ को मातहतमा रही २०७७ साल असार १६ गते इजाजत प्राप्त गरेको कर्णाली प्रदेश प्रमुख सुरेश गौतमले जानकारी दिनुभएको छ ।

ग्रीन बुटी ब्राण्डमा उत्पादित स्वास्थ्य, सौन्दर्यका विभिन्न किसिमका सामाग्रीहरु बजारीकरण गर्दै आइरहेको यस देशमा आधिकारीक रुपमा सातै वटा प्रदेशका मूख्य शहरहरुमा २२ वटा प्रमुख कार्यालयहरु छन् भने बाँकी विक्री केन्द्रहरु देशैभरमा १२२ वटा रहेका छन् ।
आइबोस ग्लोबल लाइफ इन्टरनेशनलले आफ्नो वेभसाइटमा सम्पूर्ण ग्राहकहरुमा कुनै पनि सामान खरिदमा ५ प्रतिशत क्यासब्याकको योजना सार्वजनिक गरेको छ ।
प्रतिक्रिया दिनुहोस्