कोरोना भाइरस कोभिड १९ का कारण लामो समयसम्म शैक्षिक संस्थाहरु बन्द रहेका छन् । लामो समयदेखी बन्द शैक्षिक संस्थाहरु बन्द हुँदा विद्यालयमा अध्ययनत विद्यार्थीहरुको पढाई अन्यौलतामा रहेको छ । कोरोना भाइरसका कारण शैक्षिक संस्थाहरु बन्द भएतापनी शिक्षण सिकाईलाई प्रभावकारी बनाउनका लागी कोहलपुर नगरपालिका वडा नं. ३ मा बैकल्पिक विधी अपनाउन खोजिएको छ ।
कोहलपुर नगरपालिका वडा न ३ मा रहेको जनता माध्यामिक बिद्यालय मैटहवाले सि.यु.जि सिमकार्ड वितरण गरेको छ । वैकल्पिक शिक्षण सिकाइ क्रियाकलापलाई प्रभावकारी बनाउन जनता माध्यामिक बिद्यालयले शिक्षक तथा अभिभाबकलाई निःशुल्क सिमकार्ड वितरण गरेको हो । ‘विश्वव्यापी महामारीका रुपमा फैलिएको कोभिड– १९ का कारण विद्यालयमा भौतिक उपस्थितिमा पठनपाठन हुने स्थिति नभएका कारण वैकल्पिक शिक्षण सिकाईका लागि सिमकार्ड वितरण गरिएको कोहलपुर नगरपालिका शिक्षा शाखा प्रमुख अनन्त कुमार पौडेलले बताए । इन्टरनेटको पहुँच नपुगेकै कारण वैकल्पिक सिकाइ प्रभावकारी हुन नसकिरहेको भन्ने गुनासो आइरहँदा यसको समाधानका लागि इन्टरनेट प्याकेजसहितको सिमकार्ड वितरण गरिएको र प्रभावित बनेको शिक्षण सिकाइ क्रियाकलापलाई व्यवस्थित, प्रभावकारी र उपयोगी बनाउन यस अभियानले महत्वपूर्ण भूमिका खेल्ने अपेक्षा राखिएको
छ ।