केही समयदेखि अन्यौलता देखिरहेको कक्षा १२ को परीक्षा स्थगित भएको छ ।
शनिवार बसेको राष्ट्रिय परीक्षा बोर्डले कक्षा १२ को परीक्षा स्थगित गर्ने निर्णय गरेको छ ।
कक्षा १२ को आगामी साउन ३१ गतेदेखि भदौ ९ गतेसम्म सञ्चालन हुने गरी परीक्षा तालिका तय गरिएको थियो । शुक्रबार स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न सिफारिस गरेको थियो ।
स्वास्थ्य मन्त्रालयले कोरोना संक्रमण फेरि फैलन थालेपछि शिक्षा मन्त्रालय र कोभिड–१९ संकट व्यवस्थापन केन्द्रलाई सबै परीक्षा स्थगित गर्न सिफारिस गरेको थियो ।