काठमाडौं । काठमाडौं महानगरपालिकाका १४ वडाध्यक्ष र उपमेयरले महानगरपालिकाको परिषद् बैठक बहिस्कार गरेका छन् ।

नगरपरिषद्को अघि महानगर कार्यपालिका बैठकबाट परिषद्मा लैजाने एजेन्डा तय नगरेको, नागरिकलाई प्राथमिकता दिने गरी कोभिड–१९ विरुद्धको खोपको प्रस्ताव अस्वीकार गरेको तथा बहुमतबाट पेलेर जनताको मुद्दा अस्वीकार गरेको भन्दै नेपाली कांग्रेसबाट निर्वाचित १४ वडाध्यक्ष र उपमेयरले परिषद् बहिस्कार गरेका हुन् ।

“अन्याय गर्नुजस्तै अन्याय सहनु पनि अपराध हो, महानगरपालिकामा नागरिकमाथि अन्याय हुँदा हामी चुप बस्न सकेनौँ,” काठमाडौं महानगरपालिका–१६ का वडाध्यक्ष मुकुन्द रिजालले भने, “हामीले महानगरवासीलाई कोभिड भ्याक्सिन लगाउन प्रस्ताव गर्‍यौँ, तर उहाँहरु त्यसमा सहमत हुनुभएन ।”

उनले जनताको जीवन रहे मात्र राजनीति हुने भन्दै मेयरसहित नेकपा (एमाले)बाट निर्वाचित प्रतिनिधिले जनता नरहे पनि राजनीति गर्नेजस्तो व्यवहार देखाएको टिप्पणी गरे ।