काठमाडौं । संघीय संसदमा आज संविधान संशोधन विधेयक पेस भएको छ । कानुन, न्याय तथा संसदीय मामिला मन्त्री डा. शिवमाया तुम्बाहाम्फेले उक्त विधेयक पेस गरेकी हुन ।

गत बुधबार सरकारले उक्त विधेयक संसदमा प्रस्तुत गर्ने कार्यसूची तय भएको थियो तर प्रतिपक्ष दल नेपाली काङ्ग्रेसले संविधान संशोधनका लागि समय माग गरपछि उक्त विधेयक संसदमा पेस भएको थिएन । शनिबार बसेको काङ्ग्रेसको केन्द्रिय कार्यसमितिको बैठकले संविधान संशोधन गर्ने निर्णय गरेसँगै आज उक्त विधेयक पेस भएको हो ।

संविधान संशोधनको विधेयक संसदमा पेस भएसँगै अब निशान छापमा नेपालको भूभाग कालापानी, लिपुलेक र लिम्पियाधुरा समेटिएको नक्सा समावेश गरिनेछ ।