काठमाडौं । भारतले अतिक्रमण गरेको नेपाली भुभाग कालापानी, लिपुलेक र लिम्पियाधुराका साथै भारतीय मिडियाले गरेको पीत पत्रकारिताका विरुद्धमा राष्ट्रिय प्रजातान्त्रिक विद्यार्थी संगठनको कैलालीको टिकापुरमा विरोध प्रदर्शन सम्पन्न भएको छ । विरोध प्रदर्शनमा दहनका साथ विभिन्न नारावाजी गरिएका थिए। संगठनका नेता दिपेश शाहको नेतृत्वमा उक्त प्रदर्शन गरिएको हो ।

प्रदर्शनमा उनीहरुले विभिन्न नारावाजी पनि गरेका थिए। । भारतीय विस्तारवाद मुर्दावाद, भारतीय मिडिया मुर्दावाद, मनिषा कोइराला जिन्दावाद, हाम्रो भूमि फिर्ता गर, विद्यार्थी आन्दोलन जारी छ, हाम्रो आन्दोलन जारी छ, भूमि मिच्न बन्द गर लगायतका नाराहरु लगाइएका थिए । नेपालले आफ्नो आधिकारिक नक्सा सार्वजनिक गरिसकेपछि भारतीय मिडियाहरुले नेपाललाई पछिल्लो समय नकारात्मक तरिकाले प्रचार/प्रसार गर्दै आइरहेका छन ।