रोल्पा । रोल्पा अस्पतालको आइसोलेसनमा मृत्यु भएका युवकको पिसिआर रिपोर्ट नेगेटिभ आएको छ । मृतक युवक लामो समयदेखि मृगौला रोगबाट पिडित रहेका थिए

२२ वर्षीय युवक काठमाडौंको त्रिवि शिक्षण अस्पतालबाट मृगौलाको डाइलासिस गराएर घर फर्किएको पारिवारिक स्रोतले जनाएको छ ।

जिल्लाकै अस्पतालमा हेरचाह र उपचार सहज होस् भनेर परिवारले युवकलाई घर नलगेर अस्पताल लगेका थिए । आईसोलेसनमै रहेका बेला युवकको मृत्यु भएको थियो ।

हालसम्म जिल्लाबाट २२ जनाको पिसिआर परीक्षणका लागि पठाइएकोमा १९ जनाको रिपोर्ट आएको स्वास्थ्य कार्यालय रोल्पाले जनाएको छ । जिल्लामा अहिलेसम्म सबैको रिपोर्ट नेगेटिभ आएको बताइएको छ ।