काठमाडौं । नेपालमा थप १० जनामा कोरोना सक्रमण पुष्टि भएको छ ।

राष्ट्रिय जनस्वास्थ प्रयोगशाला काठमाडौंमा गरिएको परीक्षण अनुसार रौतहट राजपुर नगरपालिका फरहदवा–९ निवासी १८, ३२, ३६, ३९, ३९, ४२ र ४८ वर्षीय पुरुषहरु रहेका छन् ।

त्यस्तै, अन्य संक्रमितहरुमा रौतहटकै इश्वरनाथ नगरपालिका–३ र ५ निवासी २८, ३० र ३३ वर्षीय पुरुष रहेको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार संक्रमितहरु सबैको स्वास्थ अवस्था सामान्य रहेको छ ।

यो सँगै नेपालमा संक्रमितहरुको संख्या २९१ पुगेको छ । संक्रमणबाट एकजनाको मृत्यु भएको पुष्टि भैसकेको छ । जसमा ३६ जना निको भएर घर फर्किसकेका छन भने अन्य संक्रमितहरुको देशका विभिन्न अस्पतालहरुमा उपचार भैरहेको छ ।