काठमाडौं । प्रहरीले ठूलो मात्रामा लागूऔषध बरामद गरेको छ ।

लकडाउनको मौका छोपी लागूऔषध ओसारपसार भइरहेको सूचना थाहा पाएपछि उक्त सूचनाका आधारमा प्रहरीले धादिङको गजुरीबाट १ सय किलो चरेश बरामद गरेको हो ।

प्रहरीले गजुरी गाउँपालिका–५ दरिङ्गल खोलाको पुलबाट १ सय किलो चरेश बरामद गरेको छ । प्रहरी ग्राहक बनेर चरेश किन्ने बहानामा त्यहाँ पुगेको थियो ।

उक्त चरेससहित प्रहरीले २ जनालाई नियन्त्रणमा लिएको धादिङका प्रहरी उपरीक्षक रविन्द्र रेग्मीले बताए । पक्राउ पर्नेमा गजुरीकै ३७ वर्षीय टेकबहादुर तामाङ र विशाल तामाङ रहेका छन् ।