धनगढी । भारतमा रहेका आफ्ना आफन्तहरुलाई घर नफर्काइएको भन्दै कञ्चनपुरमा परिवारका सदस्यले सामूहिक प्रदर्शन गरेका छन । कोरोना भाइरसको महामारीबाट बच्नका लागि गरिएको लकडाउनले गर्दा भारतमा रोकिएका नेपालीलाई आउन दिनुपर्ने भन्दै शुक्रवार पुनर्वास नगरपालिका ९ स्थित बिचफाँटाका स्थानीयले प्रदर्शन गरेका हुन् ।

बिहिवार भारतको गुजरातबाट नेपाल फर्कन लागेका २ नाबालकसहित ७ जनालाई प्रहरीले सीमाबाटै फिर्ता पठाएपछि त्यहाँका स्गानीयबासी आक्रोशित बनेका हुन साथै फिर्ता पठाइएका आफन्तसहितका स्थानीयले गाउँ फर्कन दिनुपर्ने भन्दै दबाबमूलक प्रदर्शन गरेका हुन ।

सरकारले कोरोना भाइरसको सर्तकताका लागि भारतका नाका बन्द गर्नुका साथै सीमा क्षेत्रमा कडा सुरक्षाको व्यवस्था गरेको छ ।