एजेन्सी । पाकिस्तानमा लकडाउनको समयावधि थप भएको छ । कोरोना भाइरसको संक्रमण नरोकिएपछि लकडाउन थप गरिएको सरकारी अधिकारीहरुले जानकारी दिएका छन । आगामी मे ९ सम्मका लागि लकडाउन कायमै रहने त्यहाँको सरकारले शु्क्रबार घोषणा गरेको थियो । केन्द्रिय योजना तथा विकास मन्त्री असद उमराले राष्ट्रिय नियन्त्रण केन्द्रले लकडाउनको समयावधि बढाउने निर्णय गरेको जानकारी दिए ।

देशव्यापी लकडाउन लागू भइरहेको पाकिस्तानमा शुक्रबारसम्म कोरोना भाइरसबाट संक्रमित हुनेको संख्या ११ नाघेको छ । सरकारी अधिकारीहरुका अनुसार संक्रमित हुनेहरुको कुल संख्या ११ हजार ६५२ रहेको छ । त्यस्तै, देशभरी कोरोनाका कारण २४२ भन्दा बढीको मृत्यु भएको पनि सरकारी अधिकारीहरुले बताएका छन । कोरोनाबाट सबैभन्दा बढी पञ्जाव प्रदेश प्रभावित भएको छ । त्यहाँ ४ हजार ८५१ जना सङ्क्रमित भेटिएका छन् । महामारी विरुद्धको कतिपय मापदण्डलाई पाकिस्तानमा कतिपय व्यक्तिले बेवास्ता गरेको पाइएको छ । शनिबारदेखि मुिस्लम धर्मालम्वीको १ महिने रमजान पर्व समेत सुरु भएकाले मुस्लिम समुदायको बाहुल्यता रहेको पाकिस्तानमा थप सतर्कता अपनाउन आह्वान गरिएको छ ।