काठमाडौं । आज काठमाडौंको पेप्सीकोलास्थित सनसिटी अपार्टमेन्टमा गरिएको र्‍यापिड टेष्टमा सबैजनाको रिपोर्ट नेभेटिभ आएको छ ।

बिहान ९ बजेदेखि त्यहाँ स्वास्थ्य मन्त्रायलबाट खटिएको टोलीले परीक्षण गरेको थियो । ब्लक एमा रहेका सबैको परीक्षण गरिएको थियो । मंगलबार पीसीआरमार्फत गरिएको परीक्षणमा दुईजनाको पोजेटिभ रिपोर्ट आएको थियो । उनीहरुको घरमा काम गर्ने दुई युवाको रिपोर्ट पनि नेगेटिभ देखिएको बताइएको छ ।

कागेश्वरी मनोहराका मेयर कृष्णहरि थापाका अनुसार त्यहाँ करिब ३ सय जनाको परीक्षणा गरिएको थियो । सबैको रिपोर्ट नेगेटिभ आएको छ ।