काठमाडौ १४, चैत । विश्वभर फैलिएको कारोना भाइरस (कोभिड–१९) बाट बच्नका लागि डाक्टर र विश्व स्वास्थ्य सङ्गठन छिनछिनमा हात धुने सल्लाह दिइरहेका छन् । यसका लागि यस्तो स्यानिटाइजरको प्रयोग गर्ने सल्लाह दिइरहेका छन् कि जसमा ६० प्रतिशतभन्दा बढी अल्कोहल होस् । तर, पटक पटक स्यानिटाइजर हातले छुनुपर्छ ।

यस्तो ठाउँमा कयौँ मानिसहरू हुन्छन् । स्यानिटाइजर एउटै प्रयोग गर्नुपर्ने हुन्छ । त्यहाँ झन् घातक हुन्छ । यसलाई ध्यानमा राखेर संयुक्त अरब इमिरेट्स (दुबई)मा अध्ययनरत एक भारतीय विद्यार्थीले यस्तो स्यानिटाइजर बनाएका छन्, जसबाट हात सफा गर्न त्यसलाई छुनुपर्दैन । टाढैबाट तपाईंले हात सफा गर्न सक्नुहुन्छ ।

यूएईको पत्रिका खालिज टाइम्सका अनुसार यो बनाउने विद्यार्थीको नाम सिद्ध सांघ्वी हो । सिद्ध दुबईको स्प्रिङ डेल्स स्कुलमा पढ्छन् । उनले यो स्यानिटाइजरको नाम रोबोट स्यानिटाइजर राखेका छन् । पत्रिकाको रिपोर्टअनुसार यो रोबोटले ०५ सेन्टिमिटरभन्दा कम दूरीमा भएको मानिसको हातको अवस्थालाई चिनेर उसलाई स्यानिटाइज गर्छ ।

पत्रिकाले सिद्धको भनाइका आधारमा लेखेको छ कि उनकी आमाले उनलाई एउटा भिडियो देखाएकी थिइन्, जसमा मानिस हातको सफाइ गर्नका लागि स्यानिटाइजको डब्बालाई पटक पटक समातिरहेका थिए । त्यो भिडियो हेरेर उनलाई लाग्यो, यस्तो गर्दा झन् संक्रमित हुने खतरा बढी हुन्छ ।

त्यसपछि उनले रोबोट स्यानिटाइजर बनाउने विचार गरे । यो बनाउनुको उद्देश्य कोरोना भाइरसको संक्रमणबाट मानिसलाई बचाउनु हो ।

जागरण हिन्दीबाट अनुवाद