काठमाडौँ । बुधवार बसेको नेपाल कम्युनिस्ट पार्टी (नेकपा)को बैठकले दुई महत्त्वपूर्ण निर्णय गरेको छ ।

आज बसेको बैठकबाट नेकपाका नेता बामदेव गौतमलाई राष्ट्रियसभा सदस्यमा मानोनित गर्ने निर्णय गरेको हो ।

त्यस्तै नेकपाले संविधान संशोधनका लागि बनेको कार्यदल विघटन गर्ने निर्णय गरेको छ । यसले गौतमको प्रधानमन्त्री बन्ने सपना अधुरै रहने पक्का भएको छ ।

नेपालको संविधान २०७२ अनुसार मन्त्रीपरिषद् सिफारिसमा राष्ट्रियसभा सदस्य बनेका जो कोहीले पनि प्रधानमन्त्रीको पदमा बस्न नपाउने लेखिएको छ । संविधान संशोधनका लागि बनेको कार्यदल विघटन हुने भए पश्चात् गौतमको प्रधानमन्त्री बन्ने सपना पुरा नहुने भएको हो । तर उनले रिक्त रहेको मन्त्रीको पद भने पाउने छन् ।