सुर्खेत । कालिकोटको नरहरि गाउँपालिकाबाट रास्कोटतर्फ जादै गरेको जिप कर्णाली नदीमा खसेको छ ।

लु १ ज ४१४१ नम्बरको बोलेरो जिप खस्दा चालक दैलेख गुराँस गाउँपालिका–४ दैलेखका १९ वर्षे चक्रबहादुर खड्का बेपत्ता भएका छन् ।

बेपत्ता चालकको खोजी भइरहेको प्रहरीले जनाएको छ। चालकको खोजी र नदीबाट जीप उत्तार्नका लागि प्रहरी घटनास्थलतर्फ गएको प्रदेश प्रहरी कार्यालय सुर्खेतका सूचना अधिकारी लोकनाथ तिमिल्सेनाका जानकारी दिए।

उनका अनुसार यात्रु ओरालेर ब्याक गर्ने क्रममा कर्णाली नदीमा खसेको हो। जितेगडा बजारको पुल पारी बिहान १० बजेतिर दुर्घटना परेको प्रहरीले जनाएको छ।