काठमाडौं । चीनबाट शुरु भएको कोभिड– १९ अर्थात् कोरोना भाइरसको महामारी यतिवेला विश्वको विभिन्न भागमा फैलिएको छ । युरोपसहित एशियाली मुलुकहरुमा समेत कोरोनाको संक्रमण देखिएको छ ।चीनपछि अहिले कोरोना भाइरसको संक्रमण दक्षिण कोरिया र इटालीमा पनि देखिएको छ ।कोरोनाका कारण इटालीमा तीन जनाले ज्यान गुमाएका छन् भने दक्षिण कोरियामा ६ जनाले मृत्युवरण गरिसकेका छन् । दक्षिण कोरियामा साढे ७ सय भन्दा धेरै जनामा संक्रमण देखिएको अन्तर्राष्ट्रिय समाचार माध्यमहरुले जनाएका छन् ।दक्षिण कोरिया वैदेशिक रोजगारीका लागि नेपालीको आकर्षक गन्तव्य मुलुक हो । रोजगार अनुमति प्रणाली ९ईपीएस० मार्फत र अध्ययनका लागि कोरिया जाने नेपालीको संख्या आधा लाखको हाराहारीमा रहेको छ ।दक्षिण कोरियामा कोरोना भाइरसको संक्रमण बढ्दै गएसँगै त्यहाँ रहेका नेपाली चिन्तित बनेका छन् ।कमाउन’ का लागि भन्दै कोरियामा रहेका उनीहरु यतिवेला कोराना संक्रमणको त्रासमा काममा गइरहेका छन् ।कोरोना भाइरसको संक्रमणबाट कोही पनि नेपालीलाई असर गरेको समाचारहरु सार्वजनिक भएका छैनन् ।

कोरियाको थेंगु प्रान्तमा बुधबार बेलुकी त्यहाँको एक चर्चबाट कोरोना फेला परेको आशंका गरिएको छ ।थेंगु क्षेत्रमा पाँच सय भन्दा बढी व्यक्तिमा संक्रमण फैलिएको कोरियाली सञ्चारमाध्यमहरुले जनाएका छन् ।उक्त क्षेत्रमा विवाह लगायतका समारोहमा गरिने भोजमा समेत सरकारले रोक लगाएका समाचारहरुमा जनाइएको छ ।गत शनिबार कोरोना भाइरसका कारण कोरियाको थेगुमा एकजना कोरियन नागरिकको मृत्यु भएको थियो । मोटर पार्टस् कम्पनीका कार्यरत उनको संक्रमणका कारण मृत्यु भएपछि उक्त कम्पनीका काम गर्ने नेपाली चिन्तित बनेका छन् ।उक्त मोटर पार्टस् कम्पनीमा १६ जना नेपाली कामदार रहेका छन् । उक्त कम्पनीमा कार्यरत नेपालीले नाम उल्लेख नगर्ने शर्तमा भने, एक जनाको मृत्यु भएको छ । उसबाट अरुमा पनि संक्रमण भएको रहेछ भने समस्या हुन्छ । यसले गर्दा साथीहरु चिन्तित छन् ।

केही कम्पनीहरुमा सयौंको संख्यामा नेपालीहरुले एकैपटक विदाको अनुमति मागेका छन्थेंगु प्रान्त नजिकैको चोइनान प्रान्तमा रहेका कैलालीका कृष्ण अधिकारीले कोरोना संक्रमण बढेसँगै केही कम्पनीहरुमा काम बन्द भएको बताए ।साथीहरुले काम गर्ने केही कम्पनीहरु बन्द भएका सुनिएको छ’ खबरहबसँगको कुराकानीमा अधिकारीले भने,‘ हामी सुरक्षित नै छौं । अहिलेसम्म कुनै पनि नेपालीलाई संक्रमण भएको सुनिएको छैन ।’आफूहरु कम्पनी भित्रै काममा रहने भएका कारण केही हदसम्म ढुक्क भएपनि बाहिरी मानिसहरुको आवतवाजतमा भने संक्रमणको डर हुने उनले बताए ।केही कम्पनीहरुमा सयौंको संख्यामा नेपालीहरुले एकैपटक विदाको अनुमति मागेका आफूले पनि सुनेको उनले बताए ।

कोरियाको सिउल नजिक रहेको ख्वाङ्जु प्रान्तमा रहेका सन्तोष बोगटी पनि आफ्नो क्षेत्रका नेपाली सुरक्षित रहेको बताउँछन् । विस्तारै कोरोना संकरमण बढ्न थालेपछि केही हदसम्म ‘डर’ भने रहेको उनले खबरहबसँग भने । बोगटी अहिले कोरियामा मास्कको अभाव हुन थालेको बताउँछन् । बाहिर सकेसम्म नजान भनिएका कारण घर भित्रै बस्ने गरेको उनले सुनाए ।अहिले मास्क समेतको अभाव हुन थालेको छ । केही अगाडिसम्म ३ हजार वनमा पाइने मास्क अहिले ९ हजार वन तिर्नू परिरहेको छ’ उनले भने ।बोगटीका अनुसार दक्षिण कोरिया सरकारले स्वास्थ्य उपचारको राम्रो व्यवस्था गरेको छ ।‘हामी अहिलेसम्म सुरक्षीत छौं । यहाँको सरकारले स्वास्थ्य उपचारको राम्रो व्यवस्था गरेको छ’ उनले भने,‘सुत्ने भन्दा बाहेकको समयमा मास्क लगाउन भनिएको छ, हामीले अहिले त्यही गरिरहेका छौं ।’रोजगारीका लागि ह्वासङ पुगेका अर्का नेपाली बसन्त बमले कोरियाको उत्तरी भेगमा कोरोना भाइरस संक्रमणको त्रास बढी रहेको भएपनि सिउल वरपर भने सामान्य रहेको बताए ।‘सुन्नमा आए जस्तो भएङकर समस्या हाम्रो क्षेत्रमा छैन । हिजो र अस्तिको दिन कोरोना संक्रमण बढेको हो । हामी कम्पनी भित्रै हुन्छौं तर, बाहिरबाट आउने यहिँको स्थानीय भाइरस संकरमण भएर आए भने समस्या हो,’ बसन्त बलमे भने ।