भारतको उत्तर प्रदेशमा हालै एउटा लज्जास्पद घटना बाहिर आएको छ । उत्तर प्रदेशको जौनपुर जिल्लामा जुवा र रक्सीको नसामा एक व्यक्तिले आफ्नी पत्नीलाई जुवाको खालमा राखेका छन् ।

ती व्यक्तिले जुवा हारेपछि आफ्नै पत्नीलाई सामूहिक रुपमा यौन सम्बन्ध राख्न अनुमति दिएका छन् । पीडितले यो घटनाबारे प्रहरीमा उजरी गरेकी थिइन् । तर, प्रहरीले कुनै कारबाही गरेन ।

त्यसपछि उनले अदालतको ढोका ढकढक्याएकी छन् । अदालतको आदेशपछि जफराबाद थानामा एफआईआर दर्ता भएको छ । पीडितले आफ्ना पति रक्सी खाएर हिँड्ने र नसामा आफूलाई पनि जुवाको खालमा हालेको बताएकी छन् ।

पीडितका अनुसार उनका पतिका साथीहरु अरुण र अनिल नाम गरेका व्यक्ति दैनिकजसो  घरमा रक्सी खान र जुवा खेल्न आउने गर्दथे ।

ती व्यक्तिले जुवा हारेपछि उनीमाथि सामूहिक बलात्कार गरेका थिए । घटनापछि पीडित महिला आफ्ना नातेदारको घर गएकी थिइन् । उनका पति पनि त्यही गएर घटनालाई भूल भन्दै माफी मागेका थिए ।

पीडितले माफी गरेपछि उनीहरु एउटै कारमा चढेर घर जाँदै गर्दा बीच बाटोमा नै रोके । त्यसपछि फेरि उनका साथीले सामूहिक बलात्कार गरेका थिए ।

घटनापछि उनले स्थानीय प्रहरीमा उजुरी गर्न खोज्दा प्रहरीले दर्ता गर्न नमानेपछि अदालतको आदेशमा मुद्दा दर्ता भएको हो ।