धनगढी । लागुऔषध खैरो हिरोइन बेचबिखन र सेवनमा संलग्न ५ जनालाई प्रहरीले धनगढीबाट पक्राउ गरेको छ । उनीहरूलाई ३ ग्राम ४ सय १० मिलिग्राम खैरो हिरोइनसहित धनगढी बसपार्कको एउटा होटलबाट पक्राउ गरिएको प्रहरीले जनाएको छ ।

पक्राउ पर्नेमा बसपार्कमा रहेको अछाम होटलका सञ्चालक विजय साउद र धनगढी उपमहानगरपालिका– २ बस्ने सुनील कुँवर रहेको जिल्ला प्रहरी कार्यालय कैलालीले जनाएको छ ।

लागुऔषध खैरो हिरोइनसहित धनगढीबाट ५ जना पक्राउ

त्यस्तै, सोही ठाउँबाट १५० मिलीग्राम खैरो हिरोइनसहित अन्य ३ जनालाई पनि प्रहरीले पक्राउ गरेको छ । पक्राउ पर्नेमा धनगढी उपमहानरपालिका–२ बस्ने रोशन सिंह, करन देउवा र सुवास हमाल रहेका छन ।

उनीहरू सबैलाई प्रहरीले विशेष सूचनाका आधारमा पक्राउ गरेको र उनीहरूमाथि थप अनुसन्धान भइरहेको प्रहरी निरीक्षक प्रकाश सिंह कार्कीले जानकारी दिए ।