प्रहरी कार्यालयमै बर्दी लगाएर पेस्तोल नचाउँदै टिकटक भिडियो बनाएर सार्वजनिक गर्ने प्रहरी नायव निरीक्षक (सई) रत्नबहादुर थापामाथि कारबाही हुने भएको छ ।

महानगरीय प्रहरी वृत्त भक्तपुरमा कार्यरत सई र उनकी श्रीमतीले प्रहरी पोसाक लगाएर टिकटक भिडियो बनाएर सार्वजनिक गरेका थिए । सई थापाकी श्रीमती भने प्रहरी नभएको महानगरीय प्रहरी कार्यालय रानीपोखरी प्रहरीले जनाएको छ ।

समाचार सार्वजनिक भएको २ घण्टामै महानरीय प्रहरी कार्यालय रानीपोखरीले टिकटक भिडियो बनाएर सार्वजनिक गर्ने सईमाथि कारबाही अगाडि बढाएको हो ।