आज साताको छैटौँ दिन शुक्रवार सुनको मूल्यले नयाँ कीर्तिमान कायम गरेको छ । बिहीबार तोलाको ७७ हजार ६ सयमा कारोबार भएको सुन आज तोलामा ७८ हजार नाघेको छ ।

आज शुक्रवार तोलामा ५ सय रुपैयाँ बढेर तोलाको ७८ हजार १ सय रुपैयाँ पुगेको नेपाल सुनचाँदी व्यवसायी महासङ्घले जनाएको छ ।

महिनाको पहिलो दिन ७६ हजार रुपैयाँमा कारोबार भएको सुनको भाउ त्यसयता नौ दिनमै तोलामा २१ सय रुपैयाँ बढेको छ ।

चीनबाट सुरु भएको कोरोना भाइरस विश्वमै फैलिएपछि सुनको माग बढेको र भाउ अझै बढ्ने सङ्केत देखिएको महासङ्घले जनाएको छ ।