सूचना प्रविधि तथा सञ्चार मन्त्री गुकुल प्रसाद बास्कोटाले भ्रष्टाचार गर्ने हेतुले दलालसँग कमिसनको कुरा गरेको अडियो सार्वजनिक भएपछि चौतफी विरोध सुरु भएको छ ।

पछिल्लो समय ठुलै पदमा रहेका व्यक्तिहरूको काण्ड र भ्रस्टचारको कुरा धेरै नै सार्वजनिक भएको भन्दै नेपाली कङ्ग्रेसको भातृ सङ्गठन नेपाल विद्यार्थी सङ्घ (ने.बि.सङ्घ)ले त्यस तर्फ आफ्नो ध्यानाकर्षण भएको जनाएको छ ।

दुईतीहाइको सरकार पछि नेपाली जनतामा ठुलो उत्साह छाएको र सरकारका एक पछि अर्को विवादास्पद निर्णयका साथै काण्डै काण्ड तथा भ्रष्टाचारका तथ्यहरू सार्वजनिक भई रहँदा त्यो उत्साह बिस्तारै निराशामा परिणत हुन थालेको ने. बि. सङ्घको आरोप छ ।

ने. बि. सङ्घले आज बिहीबार उक्त अडियो सार्वजनिक भए पछि प्रेस विज्ञप्ति जारी गर्दै प्रधानमन्त्री केपी शर्मा ओली माथि प्रश्न उठाएको छ । विज्ञप्तिमा भनिएको छ ‘भ्रष्टाचारीको मुख हेर्दिन भन्ने प्रधानमन्त्री के हेरेर बसी रहनु भएको छ । प्रधानमन्त्रीले मन्त्री बास्कोटालाई तत्काल बर्खास्त गरी कानुनी कारबाही गरेर आफ्नो वचन पुरा गर्नुहुन्छ ?’

हेर्नुहोस् बाँकी प्रेस विज्ञप्ति जस्ताको तस्तै, :

मुलुकमा बहुमत प्राप्त सरकार आएपछि राजनीतिक स्थायित्वका साथ समृद्धिको यात्रामा देश अघि बढ्छ भनेर नेपाली जनतामा ठुलो उत्साह छाएको थियो । तर सरकारका एक पछि अर्को विवादास्पद निर्णयका साथै काण्डै(काण्ड तथा भ्रष्टाचारका तथ्यहरू सार्वजनिक भई रहँदा त्यो उत्साह बिस्तारै निराशामा परिणत हुन थालेको छ । एकातिर तीनै तहका सरकारले दिएको करको बोझ, जनताको ढाड भाचीने गरी भएको मूल्यवृद्धि र अर्को तिर सरकारका मन्त्रीहरु भ्रष्टचारमा निर्लिप्त भएका घटनाहरुले नेपाली जनतामा निराशा र असन्तुष्टी चुलीदो छ।

यसै क्रममा वर्तमान सरकारका सूचना तथा संचार मन्त्री गोकुल प्रसाद बास्कोटाले सरकारी सेक्यूरिटी पिन्टीङ्ग पैसको खरीदमा ७० करोड कमिसन प्राप्त गर्न गरेको बातालापको अडियो रेकर्ड सहित संचार माध्यममा सार्वजनिक भएको घटना प्रति ने वि सङ्घको गम्भिर ध्यानाकर्षण भएको छ ।

भ्रष्टाचारीको मुख हेर्दिन भन्ने प्रधानमन्त्री के हेरेर बसी रहनु भएको छ । प्रधानमन्त्रीले मन्त्री बास्कोटालाई तत्काल बर्खास्त गरी कानुनी कारबाही गरेर आफ्नो वचन पुरा गर्नुहुन्छ कि यस अधिका प्रकरण झै भष्ट्राचारीको संरक्षकको रुपमा आफुलाई प्रस्तुत गर्नुहुन्छ भनेर नेपाली जनता ध्यानपूर्वक हेरी रहेका छन्।

नेपाल विद्यार्थी सङ्घ, वर्तमान सूचना तथा संचार मन्त्री बास्कोटालाई तत्काल बर्खास्त गरी कानुनी कार्वाहीको प्रक्रिया अघि बढाउन जोडदार माग गर्दछ । सरकारका प्रवक्ता तथा आफ्ना प्रिय पात्र बास्कोटालाई संरक्षण गर्न प्रधानमन्त्री उद्दत देखिए नेपाल विद्यार्थी सङ्घ आन्दोलनको आधीबेहरी श्रृजना गर्न बाध्य हुने यसै विज्ञप्ति मार्फत चेतावनी दिन चाहन्छौं।