धरान उपमहानगरपालिका १८ स्थित विपी कोइराला स्वास्थ्य विज्ञान प्रतिष्ठान धरानको कम्पाउन्डभित्र रहेको दिल्ली पब्लिक स्कुलको गेटमा बम विस्फोट गराउने पक्राउ परेका छन् ।

गत भदौ २० गते बम विस्फोट गराउने कार्यमा संलग्न रहेको अभियोगमा मोरङ केराबारी गाउँपालिका ६ डाँगी बस्ने ३८ वर्षीय गोपाल बस्नेतलाई मङ्गलवार दिउँसो प्रहरीले पक्राउ गरेको छ ।

इलाका प्रहरी कार्यालय धरानबाट खटिएको प्रहरीले उनलाई धरान उपमहानगरपालिका ८ बरगाछी चोकमा फेला पारी पक्राउ गरेको हो । साथै उनको साथबाट मोबाइल ४ थान र डायरी ४ थान समेत प्रहरीले बरामद गरेको छ ।

यस सम्बन्धमा थप अनुसन्धान गरिरहेको इप्रका धरानले जनाएको छ ।