आज साताको चौथो दिन बुधवार पनि सुनको मूल्य उकालो लागेको छ । आज सुनको मूल्यले हाल सम्मकै महँगो कीर्तिमान बनाएको छ ।

मङ्गलवार तोलाको ७६ हजार सात सय रुपैयाँमा कारोबार भएको सुन आज नयाँ कीर्तिमान कायम गर्दै चार सय रुपैयाँले बढेर ७७ हजार एक सय रुपैयाँ पुगेको नेपाल सुनचाँदी व्यवसायी महासङ्घले जनाएको छ ।

महासङ्घका अनुसार सुनको भाउ अझै बढ्न सक्ने सम्भावना छ । चीनमा फैलिरहेको कोरोना भाइरसको असर सुन बजारमा परेको छ । यसअघि अमेरिका र चीनको व्यापार युद्धका कारण बढेको सुनको मूल्य अहिले कोरोना भाइरसका कारण बढेको सुनचाँदी व्यवसायीले बताएका छन् ।