मोरङ ग्रामथान गाउँपालिका-३ रङ्ग टोलस्थित सडकमा को ६ प ७९६९ नम्बरको मोटरसाइकलले  ठक्कर दिँदा सोही ठाउँ बस्ने पैदलयात्री ५३ वर्षीय हरिलाल माझीको मृत्यु भएको छ ।

ठक्करबाट गम्भीर घाइते भएका उनको नोबेल अस्पताल बिराटनगरमा उपचारको क्रममा मृत्यु भएको हो । फरार मोटरसाइकल चालकको प्रहरीले खोजी गरिरहेको छ ।

यसैगरी मोरङ, जहदा गाउँपालिका-५ स्थित सडकमा को ३७ प ९७४३ नम्बर र को १२ प ६२२ नम्बरको मोटरसाइकल एक आपसमा ठक्कर खाई आइतबार बिहान दुर्घटना हुँदा को ३७ प ९७४३ नम्बरको मोटरसाइकल चालक सोही ठाउँ बस्ने ३५ वर्षीय बीरेन्द्र मण्डलको मृत्यु भएको छ।

दुर्घटनामा गम्भीर घाइते भएका उनको गोल्डेन अस्पताल बिराटनगरमा उपचारको क्रममा मृत्यु भएको हो । को १२ प ६२२ नम्बरको मोटरसाइकल चालकलाई प्रहरीले नियन्त्रणमा लिएको छ ।

यसैगरी मोरङ, विराटनगर महानरपालिका-३ स्थित सडकमा को ३७ प ९५७२ नम्बरको मोटरसाइकलले आइतबार बिहान ठक्कर दिँदा हाल नाम, थर, वतन नखुलेका पैदलयात्री करिब ६५ वर्षीय पुरुषको मृत्यु भएको छ । दुर्घटनामा गम्भीर घाइते भएका ती पुरुषको नोबेल अस्पताल बिराटनगरमा उपचारको क्रममा मृत्यु भएको हो ।

साथै दुर्घटनामा घाइते भएका मोटरसाइकल चालक सुनसरी दुहबी नगरपालिका(१ मधेली बस्ने २८ वर्षीय दिपेन्द्र चौधरीलाई उपचारका लागि बिराट मेडिकल कलेजमा उपचार भइरहेको छ ।

दुर्घटनाका सम्बन्धमा आवश्यक अनुसन्धान भइरहेको जिल्ला प्रहरी कार्यालय मोरङले जनाएको छ ।