स्ववियु चुनवको हुने संकेत देखिए पछि धेरै जसो सरकार र सामुदायीक क्याम्पस हाताहरुमा चुवावी माहोल तातिएको छ । तर पनि अझै चुनाव हुन्छ नै भन्ने छैन् ।

यसै क्रममा रत्न राज्यलक्ष्मी क्याम्पसका विद्यार्थीबीच झडप भएको छ। सोमबार बिहान नेपाल विद्यार्थी संघ र अखिल नेपाल राष्ट्रिय स्वतन्त्र विद्यार्थी युनियनका विद्यार्थीबीच झडप भएको हो।

गत शनिबार दुवै संगठनका विद्यार्थी पिकनिक गएका थिए। आज सोही विषयमा भएको सामान्य विवादले राजतीनिक रुप लिएपछि दुवै संगठनका विद्यार्थीबीच कुटाकुट भएको हो।

प्रहरीले उक्त घटनामा संलग्न केही विद्यार्थीलाई पक्राउ गरी महेन्द्र पुलिस क्लबमा राखेको छ। झडपमा केही प्रहरी सामान्य घाइते भएका छन्।