बलात्कारको आरोपमा अदालतमा मुद्दा लडिरहेका पूर्वसभामुख कृष्णबहादर महराको उक्त मुद्दाको अन्तिम सुनुवाई सकिएको छ ।

आज आइतबार जिल्ला न्यायाधीश अम्बरराज पौडेलको इजलासमा काठमाडौं जिल्ला अदालमा अन्तिम सुनुवाइ सकिएको हो ।

सुनुवाईमा महराको पक्षबाट रमण श्रेष्ठ, शेरबहादुर केसी,लभ मैनाली,दिनमणी पोखरेल,भीमार्जुन आचार्यलगायत आठ जनाअधिवक्ताले बहस गरेका थिए । भने सरकारी पक्षबाट उमाकान्त खनाल लगायतका वकिलहरुले बहस गरेका थिए ।

बहस सकिएकाले आज नै फैसला आउने सम्भावना रहेको अदालतले संकेत गरेको छ । महरा विरुद्ध जबर्जस्ती करणी प्रयासमा पाँच वर्ष र सार्वजनिक पद धारण गरेर कसुरको प्रयास गरेको अभियोगमा साढे २ वर्ष गरी साढे ७ वर्ष कैद सजाय मागसहित मुद्दा दायर भएको थियो ।