चीनमा फैलिएको कोरोना भाइरसको असर विश्वभर परिरहेको छ। यसमा अमेरिकालगायतका मुलुकले चीनलाई सहयोग गर्ने बताइरहेका छन्। हालसम्म कोरोनाको कारण चीनमा ९ सय ८ जनाको मृत्यु भइसकेको छ भने संक्रमित हुनेको संख्या ४० हजार नाघिसकेको छ।

यसैबीच चीनले आफ्नै २० हजार कोरोनाका बिरामी मार्नका लागि अदालतबाट अनुमति मागेको हल्ला पनि फैलिएको छ।यद्यपी चीन सरकारले यस किसिमको हल्ला खारेज गरेको छ।

चीन सरकारले यसलाई झुटको संज्ञा दिँदै यसका बिरामीसँग मजबुतीका साथ लड्ने बताएको छ। भारतीयहरुले यस किसिमको लिंक पठाइरहेको तर यो कुनै पनि किसिमबाट सत्य नभएको भारतस्थित चिनियाँ दूताबासले जनाएको छ। यो झूट भएकाले यस किसिमको अफवाह फैलाउन बन्द गर्न चीनको दूताबासले भनेको छ।

यो समाचार आजको कारोबार दैनिकमा प्रकाशित छ ।