बाँकेमा वनभोज गएका एकजना राप्ती नदीमा डुबेर बेपत्ता भएका छन् । राप्तीसोनारी गाउँपालिकास्थित अगैयामा वनभोज खाना गएका शिव शर्मा बेपत्ता भएको स्थानीय प्रहरीले बताएको छ ।

बेपत्ता भएक शर्मा कोहलपुर नगरपालिका–१२ चप्परगौडीका स्थायी बासिन्दा हुन् । उनि अगैयामा पसल सञ्चालन गर्दै आएका थिए ।इलाका प्रहरी कार्यालय कोहलपुरका प्रमुख प्रहरी नायब उपरीक्षक कुलदीप चन्दले जानकारी दिए अनुसार उनि वनभोजपछि नदीमा नुहाउने क्रममा बेपत्ता भएका हुन् ।

शनिबार अपराह्न बेपत्ताभएका उनलाई हालसम्म फेला पार्न नसकिएको चन्दले बताए । शर्माको खोजीमा संलग्न स्थानीयवासीका अनुसार उनि शनिबार अपराह्न बेपत्ता भएका हुन् । नेपाली सेना, नेपाल प्रहरी, सशस्त्र प्रहरी र स्थानीयवासीले शनिबार अबेरसम्म उनको खोजि गरेका थिए ।