काठमाडौं । सत्तारूढ नेपाल कम्युनिस्ट पार्टी (नेकपा) का दुई अध्यक्ष केपी शर्मा ओली र पुष्पकमल दाहाल प्रचण्ड अग्नि सापकोटालाई सभामुखको उमेदवार बनाउन सहमत भएका छन् । माघ ६ गतेका लागि प्रतिनिधिसभाको बैठक आह्वान गरिएको छ । संसद्को सो बैठकको सम्भावित कार्यसूचीमा सभामुख चयनको विषय पनि छ । सत्तारुढ दल नेकपाले सभामुखको विषय टुंगो नलगाउँदा ३ पटक संसद बैठक सूचना टाँसेर स्थगन भइसकेको छ ।

नेकपा स्रोतका अनुसार सभामुखको उमेदवार सापकोटा बन्ने तय भइसकेको छ । संसदको अंकगणित नेकपाको बलियो रहेकाले उसले अघि सार्ने उमेदवारको पल्ला भारी हुने देखिन्छ ।