अमेरिकी अधिकारीहरुका अनुसार फेब्रुअरीमा ट्रम्पले भारतको पहिलो भ्रमण गर्नेछन्।

दुवै देशले यतिबेला ट्रम्पको भ्रमण तालिकाको विषयमा छलफल गरिरहेको भारतीय अधिकारीहरुलाई उदृतगर्दै ब्लुमबर्गले जनाएको छ।

भारत भ्रमणका क्रममा ट्रम्प र मोदीले हवाई क्षेत्रको विषयमा महत्वपूर्ण सम्झौता गर्नेछन्। भारतीय पत्रिका हिन्दुका अनुसार ट्रम्प र मोदीबीच लामो समयदेखि रोकिएको द्विपक्षिय व्यापार सम्झौतामा हस्ताक्षर पनि हुनेछ।

गतवर्ष व्यापार विवादका कारण ट्रम्पले भारत भ्रमणको निम्तो अस्वीकार गरेका थिए।