काठमाडौँ । ब्रिटेनका प्रिन्स ह्यारी र उनकी पत्नी मेगन मर्केलले राजपरिवारको जिम्मेवारीबाट अलग हुने घोषणा गरे सँगै अनेकौ अड्कल बाजिहरु हुन थालेका छन् ।

विज्ञप्ति जारी गर्दै ह्यारी र मेगनले आफुहरु राजपरिवारको वरिष्ठ सदस्यको जिम्मेवारीबाट अलग भएको घोषणा गरेका हुन् ।

ड्युक र डचेज ससेक्स ह्यारी र मेगनले आफूहरु राज परिवारको वरिष्ठ सदस्य पदमा रहन नचाहेको र आर्थिक एवम् सामाजिक रुपमा स्वतन्त्र हुन चाहेको उल्लेख गरेका छन् ।

उनीहरुले आफुहरु बेलायत तथा उत्तर अमेरिकामा आफ्नो बाँकी जीवन बिताउन चाहेको उल्लेख गरेका छन् ।

उनीहरुले राजपरिवारसँग कुनै पनि सल्लाह नगरी ह्यारी दम्पतीले सार्वजनिक गरेको यो विज्ञप्तीले शाही परिवार आश्चर्य चकित र दुखि भएको बिबिसीले उल्लेख गरेको छ ।

उनीहरुले विज्ञप्तिमा भनेका छन्, ‘हामीहरु शाही परिवारको वरिष्ठ सदस्यको हैसियतबाट हट्न चाहन्छौ र आफ्नो आर्थिक रुपमा स्वतन्त्र हुनका लागि काम गर्न चाहन्छौ तर यसका लागि हामीलाई महारानीको समर्थनको जरुरी छ ।’

गत अक्टोबरमा राजकुमार दम्पतीले आफ्नो जीवन त्यति धेरै खुसी र स्वतन्त्र नरहेको बताएका थिए ।

ह्यारी र मेगनले यो निर्णय कैयौ महिनाको आन्तरिक छलफल र विमर्श पछि लिएको बताएका छन् । उनीहरुले यसको संकेत भने पछिल्लो बर्षको दक्षिण अफ्रिका भ्रमणमै दिएका थिए । एक डकुमेन्ट्रीमा मेगनले स्पष्ट भाषामा भनेकी थिइन् की शाही जीवन उनको लागि निकै मुश्किल रहेको छ । मेगनले उनका ब्रिटेनका साथीहरुले टेबलाइट अखबारहरुले

तिम्रो जीवन बर्बाद गरिदिन्छन भनेर चेतावनी दिएको सो डकुमेन्ट्रीमा बताएकी थिइन् ।

सो डकुमेन्ट्रीमा ह्यारीले पनि कैयौ पटक आफुले आफ्नो मानसिक स्वास्थ्यको बारेमा सोचिरहनु परेको बताएका थिए ।

बिबिसीका शाही सम्वाददाता जोनी डाइमण्डले राजपरिवारको वरिष्ठ सदस्यको रुपमा ह्यारी र मेगनका कैयौ कामहरु छन् जसलाई दुवैले मन पराइरहेका थिएनन् । ह्यारी मिडियाका क्यामरालाई मन पराउदैनन्, जसको कारण राजपरिवारका कार्यक्रमहरुमा उनी दिक्क हुने गर्दथे ।

पछिल्लो बर्ष ह्यारीले एक पत्रिकालाई कानुनी कारवाही गर्ने बताएका थिए । पत्रिकाले मेगनको एक निजी पत्र सार्वजनिक गरेको थियो । पत्रिकाले आफ्नो अडान कायमै रहेको छ । ह्यारीले सो प्रकरणमा रिसमा भनेका थिए-‘मैले विगतमा आफ्नी आमालाई गुमाईसकेको छु र अब पत्नीलाई पनि उनीहरुको शक्तिको शिकार भएको देखिरहेको छ ।

सन् १९९७ मा राजकुमारी दयाना को कार दुर्घटनामा मृत्यु भएको घटनाको स्मरण गर्दै ह्यारीले भनेका थिए, ‘मैले देखेको छु की कसरी मेरा प्रियहरुलाई यस किसिमले एक समानको रुपमा प्रस्तुत गरियोकी उसलाई जिउदो मानवको रुपमा व्यवहार नै हुन् छोडिसक्यो ।’

ह्यारी र मेगनको यो निर्णयपछि ब्रिटेनको बर्किंघम दरबारमा एक किसिमको निराशा देखिएको बिबिसीएल उल्लेख गरेको छ । बिबिसीले दरबारका प्रवक्तालाई उल्लेख गर्दै ह्यारी र मेगनको निर्णयले शाही परिवार निराश भएको उल्लेख गरेको छ ।

उनले भनेका छन् -ह्यारी र मेगनले यस बारेमा भइरहेको कुराकानीको शुरुवाती चरणमा थिए । हामि अलग बाटो चुन्ने उनीहरुको इच्छालाई बुझ्न सकिन्छ तर यो जटिल मुद्धा हो र यसलाई सुल्झाउन समय लाग्छ ।’

ह्यारी र मेगनको यो कदमलाई यस अघि ब्रिटेनमा सन् १९३६ मा एडवर्ड-८ ले दुई पटक डिभोर्स लिएकी वेलिस सिम्पसनसँगविवाह गर्न राजगद्धी छोडेको घटनासँग तुलना गर्न थालिएको छ ।

बेलायतको राजा बन्ने लाइनमा प्रिन्स ह्यारी छैठौ नम्बरमा पर्दछन् । उनी अघि उनका पिता प्रिन्स चार्ल्स, उनका दाजु प्रिन्स विलियम्स र उनका तीन बच्चा रहेका छन् ।

पछिल्लो समय दुई दाजुभाईबिच्छ मतभेद भएको थियो । प्रिन्स ह्यारीले सन् २०१८ मा केन्सिंगटन प्यालेस छोडेर नयाँ घर बनाएका थिए । त्यस्तै २०१९ मा दुवै दाजु भाईको संयुक्त रुपमा रहेको एक च्यारिटीबाट अलग भएका थिए ।

कसले के भन्दै छन् :

सामाजिक संजाल इन्स्टाग्राममा विज्ञप्ति जारी गरेपछि अहिले पक्ष विपक्षमा मानिसहरुले आफ्नो राय व्यक्त गरिरहेका छन् ।कसैले दुवैका लागि राम्रो निर्णय भएको लेखेका छन् भने कसैले अमेरिकाका मानिसहरुमा राजपरिवारको हिस्सा बन्ने हिम्मत नभएको भन्दै मेगनको आलोचना गरेका छन् ।

त्यस्तै टेलिभिजन ब्रोडकाष्टर पियर्स मोर्गनले मेगनलाई दोषी देखाउदै लेखेका छन् – मेगनले आफ्नो परिवार पनि फुटाइन, आफ्ना पितालाई पनि अलग गरिन, आफ्ना पुराना साथीहरुसँग पनि टाढा भइन्, ह्यारीलाई आफ्ना दाजुसँग अलग गराइन र अहिले ह्यारीलाई उनको राजपरिवारबाट अलग गराईन् ।

त्यस्तै पत्रकार एवं लेखिका केटलिन मोरेनले ह्यारी र मेगनको निर्णयको स्वागत गर्दै लेखेकी छन् –’ह्यारी र मेगनले अब डलर कमाउन सक्ने छन् ।नराम्रो अपरिभाषित दरबारको कामबाट मुक्त हुने छन् । पछिल्लो बर्षपछि अहिले धेरै समझदारीपूर्ण निर्णय लिएका छन्, यो बाहेक अरु कस्तो निर्णय लिन सकिन्थ्यो र ?’

अब के हुन्छ :

ह्यारी र मेगनले अब उनीहरु ब्रिटेन र उत्तरी अमेरिकामा बस्ने बताएका छन् । साथै उनीहरुले एक च्यारिटी संस्था खोल्ने समेत बताएका छन् ।च्यारिटी संस्थाका बारेमा भने अझै अस्पष्ट नै छ । पछिल्लो बर्ष पनि ह्यारी र मेगनले लामो समय छुट्टी लिएर क्यानाडामा धेरै समय बिताएका थिए ।

ह्यारी र मेगनले अब केहि समय अमेरिकाको क्यालिफोर्नियामा मेगनकी आमासँग केहि समय बिताउन सक्ने बताइएको छ । ह्यारी पछिल्लो समय अफ्रीकामा संरक्षणमा काम गरिरहेका छन् भने घाइते सुरक्षाकर्मीहरुका लागि खेल योजना गर्ने जस्ता काम गरिरहेका छन् । त्यस्तै मेगनले पनि नेशनल थिएटर र च्यारिटीका काममा सामेल भइरहेकी छन् ।