काठमाडौ, पुस १२- पुर्वपञ्चहरुकाे पार्टी भनेर चिनिने राष्ट्रिय प्रजातन्त्र प्रजातन्त्र पार्टी र राष्ट्रिय प्रजातन्त्र पार्टी(संयुक्त)काे एकता अन्याेलमा परेकाे छ। दुई पार्टीकाे एकताकाे लागि कार्यकर्ताहरुकाे चर्काे दवाबका बिच शनिबार सकिएकाे राप्रपा (संयुक्त)काे उच्चस्तरीय कार्यसम्पादन समितिकाे बैठकले विचार मिल्ने सँग एकीकरण गर्न सकिने बताए पनि राप्रपासँगकाे एकताकाे विषयमा प्रष्टरुपमा केही नबाेलेपछि दुई राप्रपाकाे एकता अन्याेलमा परेकाे हाे।

दुईवर्ष अगाडि सम्पन्न स्थानीय, प्रदेश र संघीय निर्वाचन र केही दिन अघि सम्पन्न उपनिर्वाचनमा लज्जास्पद हार व्यहाेरेकाे राप्रपा र राप्रपा(संयुक्त) का कार्यकर्ताले पार्टी एकताकाे लागि चर्काे रुपमा नेतृत्व समक्ष अावाज उठाउँदै अाएका छन्। यस अघि पुस ४ गते बसेकाे कमल थापा नेतृत्वकाे राष्ट्रिय प्रजातन्त्र पार्टीकाे केन्द्रीय कार्यसम्पादन समितिकाे बैठकले अाैपचारिक रुपमा नै पशुपतिशमशेर जबरा र प्रकाशचन्द्र लाेहनी नेतृत्वकाे राप्रपा (संयुक्त)लाई एकताकाे लागि अाह्वान गरेकाे थियाे र पटकपटक अध्यक्ष कमल थापाले सामाजिक सञ्जाल मार्फत र सार्वजनिक कार्यक्रमहरु मार्फत एकताकाे अाह्वान गर्दै अाएका थिए।

यसैबिच राप्रपा(संयुक्त)ले राप्रपाकाे अाह्वानलाई सम्बाेधन नगरे पछि कार्यकर्ताकाे प्रतिक्रिया अाउन सुरु भएकाे छ। राप्रपा निकट राष्ट्रिय प्रजातान्त्रिक विद्यार्थी संगठनका केन्द्रीय उपाध्यक्ष शशि भण्डारीले शनिबार साँझ सामाजिक सञ्जालमार्फत राप्रपा एकीकरणको अाैचित्य नभएकाे बताएका छन् ।

राष्ट्रिय प्रजातन्त्र पार्टीको तर्फबाट मात्रै एकताकाे अाह्वान गर्ने तर राप्रपा(संयुक्त)ले राष्ट्रिय प्रजातन्त्र पार्टीकाे नाम समेत उल्लेख गर्न पनि नमान्ने हाे भने अब यस्ताे एकताकाे कुनै औचित्य छैन।

उनले लेखेका छन् “राष्ट्रिय प्रजातन्त्र पार्टीको तर्फबाट मात्रै एकताकाे अाह्वान गर्ने तर राप्रपा(संयुक्त)ले राष्ट्रिय प्रजातन्त्र पार्टीकाे नाम समेत उल्लेख गर्न पनि नमान्ने हाे भने अब यस्ताे एकताकाे कुनै औचित्य छैन। अब निश्कर्ष विहिन श्रीङ्खलाकाे अन्त्य गराैं, सकारात्मक परिवर्तनका लागि एकता गरेर एउटा बृहत् राष्ट्रवादी केन्द्र “राष्ट्रिय प्रजातन्त्र पार्टी”काे निर्माण गराैं , हाेइन भने अाफ्नाे अाफ्नाे बाटाे तय गरेर अगाडि बढाैं, अाफ्नाे अाफ्नाे पार्टीको संगठन निर्माण गरेर अगाडि बढाैं।”

उता राप्रपा सहायकमहामन्त्री राजाराम बर्ताैलालाई सम्पर्क गर्दा राष्ट्रिय प्रजातन्त्र पार्टी सदैव एकताकाे पक्षमा रहेमा जानकारी दिनुभयाे उहाँले भन्नू भयाे “राप्रपा र यसको पार्टी नेतृत्व अहिले मुलुकमा एउटा बलियो राष्ट्रबादी प्रजातान्त्रिक शक्तिको आवश्यकता रहेकोमा स्पष्ट छ । समान बिचार राख्ने पार्टी,समूह,संस्थाहरुको एकताले एउटा बलियो वैकल्पिक शक्तिको उदय गराउँछ,राष्ट्रिय राजनीतिमा यो शक्तिले नेपाली काङ्ग्रेस र कम्युनिष्टको विकल्पको रुपमा काम गर्नेछ । जनता अहिले विकल्पको खोजिमा छन् ,यो कुरा बुझ्न नसक्नु विडम्बना सिवाय अरु हुन सक्दैन । जनताले सबै राप्रपालाई एकै ठाउमा बसेको हेर्न चाहेका छन्, धरातलिय यथार्थ बुझ्न नसक्ने, कुन्ठा र पुर्बाग्रह मात्र पालिरहने हो भने समय परिस्थितिले पाखा लगाउछ । समयमै आँखा खुलेर सवै एकतामा आउनु ढिला गर्नु हुदैन ।”