काठमाडौं– आध्यात्मिक जागरण फैलाउन सद्गुरु ओशो सिद्धार्थ औलिया आगामी पुस पहिलो साता नेपाल आउने भएका छन् । ओशोधारा संघ नेपालको निमन्त्रणमा उनी आगामी पुस ५ गते नेपाल आउन लाग्नुभएको हो ।सद्गुरु आगमनको दिन पुस ५ गते दिनको ठिक ४ बजे अनुपम फुडल्याण्ड बत्तिसपुतलिमा ‘दुख से महा सुख कि ओर’ विषयमा महा सत्सङ्गमा प्रवचन दिने विशेष कार्यक्रम समेत रहेको छ ।

ओशो औलिया लगायत साधक साधिकालाई लुम्बिनी भ्रमण गराउने तयारी गरिएको संघले जनाएको छ । नेपाल भ्रमण वर्ष २०२० को पूर्वसन्ध्यामा हुने सो कार्यक्रमले नेपालको पर्यटन प्रवर्धन तथा अन्तर्राष्ट्रियस्तरमा भगवान गौतम बुद्धको जन्मभूमि लुम्बिनीको प्रचारप्रसार हुने विश्वास व्यक्त गरिएको छ ।

घर, परिवार, समाज त्यागेर मात्रै आध्यात्मिक सुखशान्ति प्राप्त गर्न सकिन्छ भन्ने पुरातनवादी मान्यतालाई चिर्दै ओशोले घर, परिवार, समाज तथा व्यवसाय सम्हाल्दै ध्यानमार्फत शान्ति हासिल गर्न सकिने परिकल्पनालाई साकार पारेका थिए ।

मानव जीवन समस्याबाट गुज्रिरहेको र ध्यानले मात्र ती समस्या समाधान गर्छ भन्ने ओशोको मुलमन्त्रलाई उनका अनुयायीले विश्वभर अनुसरण गर्दै आएका छन् ।