साइप्रस – गैर-आवासीय नेपाली संघ, साइप्रसले सेफहाउसको उद्घाटन गरेको छ। संघले राजधानी निकोसिया स्थित उक्त सेफहाउस कार्यकक्षमा नै एक कार्यक्रम गरि उद्घाटन गरेको हो।

साइप्रसमा रहेका बिभिन्न घरेलुकामदार तथा विद्यार्थी भिसामा आएकाहरुलाइ तथा घरेलु कामदारका रुपमा आएका नेपाली दिदिबहिनीहरुले अन्यत्र काम खोज्ने समयमा डेरा नपाएर बिभिन्न बाध्यतामा बस्नुपरेको समस्यालाइ निराकरण गर्ने, काम नपाउन्जेल तथा अन्य व्यवस्था नहुन्जेल सम्मकालागी सहयोग पुगोस भन्ने उदेश्यका साथ सेफ हाउस संचालनमा ल्याइएको एन आर एन ए स्रोतले बताएको छ।

लामो समयको मिहेनतपछि सेफहाउसको निर्माण सम्पन्न भएको र सेफहाउसलाइ दिगो एवं प्रभावकारी ढंगले व्यवस्थापन गर्नका लागी अब लगत्तै बिभिन्न सस्थाहरु लगाएत सरोकारवालाहरुको उपस्थितिमा बैठक बसाइ उचित कार्यविधी निर्माण गरि जारी गरिने समेत बताइएको छ।

उद्घाटन कार्यक्रममा अवैतानिक नेपाली बाणिज्य दूतावासका मानार्थ वाणिज्य दुत डा. रामजिवन पन्जियार, एनआरएनए पुर्वअध्यक्ष एवं प्रमुख संरक्षक सुवास मल्ल एन आर एन ए पदाधिकारी र अन्य संस्थाका पदाधिकारी, विद्यार्थी, लगाएत कामदार भिसामा बिदेशीएका नेपालिहरु समेतको उपस्थिति रहेको थियो ।

त्यस्तै कार्यक्रमको अवसरपारी एन आर एन ए साइप्रसले सेफहाउस निर्माणमा बिभिन्न रुपमा सहयोग गर्ने हरुलाइ समेत प्रमाणपत्र सहित सम्मान गरेको थियो।